പരസ്യമായി ന്യായീകരണം, പാർട്ടിക്കകത്ത് മുറുമുറുപ്പ്

തിരുവനന്തപുരം: മുഖ്യമന്ത്രി പിണറായി വിജയനെ പൂർണമായി ന്യായീകരിച്ചാണ് ഇന്നലെ ചേർന്ന സംസ്ഥാന സമിതി യോഗത്തിന്റെ തീരുമാനങ്ങൾ സെക്രട്ടറി എം.വി. ഗോവിന്ദൻ വാർത്താ സമ്മേളനത്തിൽ പറഞ്ഞതെങ്കിലും, പൊതുവെ കാര്യങ്ങൾ അത്ര പന്തിയല്ലെന്നാണ് സൂചനകൾ. പൂരം അലങ്കോലമായതിൽ എ.ഡി.ജി.പി എം.ആർ. അജിത്കുമാറിന് വീഴ്ചയുണ്ടായെന്നും, പി.ആർ വിവാദത്തിലെ മുഖ്യമന്ത്രിയുടെ വിശദീകരണം വിശ്വസനീയമായി തോന്നുന്നില്ലെന്നും സംസ്ഥാന സമിതിയിൽ ചിലർ തുറന്നു പറഞ്ഞെന്നാണ് വിവരം. മുഖ്യമന്ത്രിയെ പാർട്ടി സെക്രട്ടറി എം.വി. ഗോവിന്ദൻ ന്യായീകരിച്ചെങ്കിലും എ.ഡി.ജി.പിയുടെ കാര്യത്തിൽ വീഴ്ചയുണ്ടായെന്നും, റിപ്പോർട്ട് വന്നാലുടൻ നടപടി വേണമെന്ന് ആവശ്യപ്പെട്ടുവെന്നും അറിയുന്നു. പൂരം അലങ്കോലമാക്കാൻ നീക്കം നടന്നുവെന്നു പറഞ്ഞപ്പോഴും അജിത്കുമാറിനെ തള്ളിപ്പറയാൻ മുഖ്യമന്ത്രി തയ്യാറായിരുന്നില്ല.

ദ ഹിന്ദുവിനു നൽകിയ അഭിമുഖത്തെ തുടർന്നുണ്ടായ പി.ആർ വിവാദത്തിലും, അജിത്കുമാറിനോടുള്ള സമീപനത്തിലും പാർട്ടിയിലും മുന്നണിയിലും പൊതുവെ പിന്തുണ ലഭിക്കാത്ത അവസ്ഥയിലാണ് മുഖ്യമന്ത്രി. കഴിഞ്ഞ ദിവസം വാർത്താ സമ്മേളനത്തിൽ മാദ്ധ്യമ പ്രവർത്തകരുടെ ചോദ്യങ്ങൾ പലതിനും കൃത്യമായമറുപടി നൽകാൻ പിണറായിക്കു കഴിഞ്ഞില്ലെന്ന വിലയിരുത്തൽ പാർട്ടിയിലെ പല നേതാക്കളും സ്വകാര്യ സംഭാഷണങ്ങളിൽ പ്രകടിപ്പിക്കുന്നുണ്ട്.

പി.ആർ വിവാദത്തിൽ മുഖ്യമന്ത്രിയെ പിന്തുണയ്‌ക്കാൻ മന്ത്രിസഭയിലേയോ പാർട്ടിയിലേയോ മുന്നണിയിലേയോ അധികം പേരെത്തിയിരുന്നുമില്ല. പി.എ. മുഹമ്മദ് റിയാസ് ,വി.ശിവൻകുട്ടി ഉൾപ്പെടെ ഏതാനും മന്ത്രിമാരാണ് വിവാദത്തിൽ പ്രതികരിച്ചത്. പാർട്ടിയിൽ നിന്നുള്ള പ്രതികരണങ്ങൾ ദുർബലമായിരുന്നു. ഘടകകക്ഷികളിൽ നിന്ന് പിന്തുണ ലഭിച്ചതുമില്ല.

വാർത്താ സമ്മേളനങ്ങൾ അപൂർവമാണെങ്കിലും ക്ളാരിറ്റിയോടെ സംസാരിക്കുന്ന നേതാവായിട്ടാണ് പിണറായി വിലയിരുത്തപ്പെട്ടിരുന്നത്. പക്ഷേ ഈ അഭിമുഖവുമായി ബന്ധപ്പെട്ട ചോദ്യങ്ങൾക്ക് അദ്ദേഹം ചിരിയിലൊതുക്കിയ ഉത്തരങ്ങൾ വലിയ സംശയങ്ങൾക്ക് ഇടയാക്കി. ഓഫീസിലെ മീഡിയാ വിഭാഗവും, പബ്ളിക് റിലേഷൻസ് വകുപ്പും ഉൾപ്പെടെ വിവിധ സംവിധാനങ്ങൾ നിലവിലിരിക്കെ അഭിമുഖത്തിനു പി.ആ ഏജൻസിയുടെ സഹായം തേടിയതിന് നാലുപേർ കേട്ടാൽ നിരക്കുന്ന മറുപടി നൽകാൻ മുഖ്യമന്ത്രിക്കു കഴിഞ്ഞില്ലെന്നാണ്

വിലയിരുത്തൽ.

 ക്ളീൻചിറ്റും വിവാദത്തിൽ

നവ കേരള യാത്രയ്ക്കിടെ മുഖ്യമന്ത്രിയുടെ സുരക്ഷാ ഉദ്യോഗസ്ഥർ ആലപ്പുഴയിൽ യൂത്ത് കോൺഗ്രസ് പ്രവർത്തകരെ വളഞ്ഞിട്ടു തല്ലിയതിന് തെളിവില്ലെന്ന് ക്രൈംബ്രാഞ്ച് ക്ളീൻ ചിറ്റ് നൽകിയ നടപടി അപഹാസ്യമാണെന്നാന്ന് പ്രതിപക്ഷം ആരോപിക്കുന്നുണ്ട്. കേരളം മുഴുവൻ ചാനലുകളിൽ കണ്ട സംഭവത്തിനു തെളിവില്ലെന്നാണ് റിപ്പോർട്ടിൽ പറയുന്നത്. മുഖ്യമന്ത്രിയുടെ ഓഫീസിന്റെ സമ്മർദ്ദമാണ് റിപ്പോർട്ടിനു പിന്നിലെന്ന് ആക്ഷേപമുണ്ട്. ചോദ്യം ചെയ്യപ്പെടാനാവാത്ത നേതാവായി അജയ്യനായിരുന്ന മുഖ്യമന്ത്രിക്കെതിരെ പാർട്ടിയിൽ നിന്ന് ചില നീക്കങ്ങൾ വളരുന്നുണ്ട്. ഇതു മുൻകൂട്ടിക്കണ്ടാണത്രെ മൂന്നാമതൊരു തവണകൂടി മത്സരിക്കുമോയെന്ന ദ ഹിന്ദു ലേഖികയുടെ ചോദ്യത്തിനു അതൊക്കെ പാർട്ടിയാണ് തീരുമാനിക്കേണ്ടതെന്ന ഒഴുക്കൻ മറുപടി മുഖ്യമന്ത്രി നൽകിയത്. നവ കേരള ബസ് യാത്രയ്ക്കിടെ കേരളകൗമുദിക്കു നൽകിയ അഭിമുഖത്തിൽ മൂന്നാം ടേമിലും വരണമെന്ന് ആഗ്രഹിക്കുന്നവരോട് എന്താണ് പറയാനുള്ളതെന്ന ചോദ്യത്തിനു 'അതൊക്കെ അതിമോഹമാണെന്നായിരുന്നു" അന്ന് പിണറായി മറുപടി നൽകിയത്.

 പ്ര​തി​ക​ര​ണ​ത്തി​നും സി.​പി.​എം​ ​ന​യ​രേഖ

മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​നെ​തി​രെ​ ​ഉ​യ​രു​ന്ന​ ​ആ​ക്ഷേ​പ​ങ്ങ​ളി​ലും​ ​സ​മീ​പ​കാ​ല​ ​രാ​ഷ്ട്രീ​യ​ ​സം​ഭ​വ​ ​വി​കാ​സ​ങ്ങ​ളി​ലും​ ​എ​ങ്ങ​നെ​ ​പ്ര​തി​ക​രി​ക്ക​ണ​മെ​ന്നു​ ​നി​ർ​ദേ​ശി​ച്ചു​കൊ​ണ്ടു​ള്ള​ ​ന​യ​രേ​ഖ​യ്ക്കു​ ​സി.​പി.​എം​ ​സം​സ്ഥാ​ന​ ​സ​മി​തി​ ​അം​ഗീ​കാ​രം​ ​ന​ൽ​കി.
പി.​വി.​അ​ൻ​വ​ർ​ ​മു​ഖ്യ​മ​ന്ത്രി​ക്കെ​തി​രെ​ ​പ​റ​ഞ്ഞ​ ​ആ​രോ​പ​ണ​ങ്ങ​ൾ​ക്കും​ ​പ്ര​ത്യേ​കി​ച്ചു​ ​മ​ല​പ്പു​റം​ ​ജി​ല്ല​യെ​ ​എ​ടു​ത്തു​കാ​ട്ടി​ ​മ​ത​പ​ര​മാ​യി​ ​ന​ട​ത്തു​ന്ന​ ​പ​രാ​മ​ർ​ശ​ങ്ങ​ൾ​ക്കും​ ​രേ​ഖ​യി​ൽ​ ​മ​റു​പ​ടി​യു​ണ്ട്.​ ​മ​ത​വി​കാ​രം​ ​ഇ​ള​ക്കി​വി​ട്ടു​ ​ന്യൂ​ന​പ​ക്ഷ​ങ്ങ​ളെ​ ​പാ​ർ​ട്ടി​ക്കെ​തി​രാ​ക്കാ​നു​ള്ള​ ​ബോ​ധ​പൂ​ർ​വ​മാ​യ​ ​ശ്ര​മം​ ​ന​ട​ക്കു​ന്നു​ണ്ട്.​ ​ഇ​തി​നു​ ​പി​ന്നി​ൽ​ ​അ​ൻ​വ​ർ​ ​മാ​ത്ര​മ​ല്ല​ ​ചി​ല​ ​മ​ത​സം​ഘ​ട​ന​ക​ളും​ ​ഉ​ണ്ട്.​ ​ഗൗ​ര​വ​മാ​യി​ ​ഈ​ ​വി​ഷ​യ​ത്തെ​ ​കാ​ണ​ണ​മെ​ന്നും​ ​ഒ​രു​ ​കൂ​ട്ടം​ ​മാ​ദ്ധ്യ​മ​ങ്ങ​ളും​ ​ഇ​ക്കൂ​ട്ട​ർ​ക്കു​ ​പി​ന്നി​ലു​ണ്ടെ​ന്നും​ ​രേ​ഖ​യി​ൽ​ ​വ്യ​ക്ത​മാ​ക്കു​ന്നു.
പാ​ർ​ട്ടി​ ​സം​സ്ഥാ​ന​ ​സ​മി​തി​ക്കു​ശേ​ഷം​ ​ന​ട​ന്ന​ ​പ​ത്ര​സ​മ്മേ​ള​ന​ത്തി​ൽ​ ​പൊ​ലീ​സി​നെ​യും​ ​സ​ർ​ക്കാ​രി​നെ​യും​ ​പൂ​ർ​ണ​മാ​യും​ ​പി​ന്തു​ണ​ച്ചു​കൊ​ണ്ടും​ ​അ​ൻ​വ​റി​നെ​ ​ത​ള്ളി​ക്കൊ​ണ്ടു​മാ​ണ് ​സെ​ക്ര​ട്ട​റി​ ​എം.​വി.​ ​ഗോ​വി​ന്ദ​ൻ​ ​സം​സാ​രി​ച്ച​ത്.​ ​ക്ര​മ​സ​മാ​ധാ​ന​ ​പ്ര​ശ്ന​മാ​യി​ ​മാ​റി​യ​ ​സ്വ​ർ​ണ​ക്ക​ട​ത്തി​ൽ​ ​പൊ​ലീ​സി​ന് ​ഇ​ട​പെ​ടാ​തി​രി​ക്കാ​ൻ​ ​ക​ഴി​യി​ല്ല.​ ​നി​ര​വ​ധി​ ​സ്വ​ർ​ണം​ ​പി​ടി​ച്ചു.​ ​ആ​ ​ദൗ​ത്യ​മാ​ണ് ​പോ​ലീ​സ് ​നി​ർ​വ​ഹി​ച്ചു​ ​വ​ന്ന​ത്.​ ​ഇ​തി​ന് ​എ​തി​രെ​യാ​ണ് ​അ​ൻ​വ​ർ​ ​കു​രി​ശു​ ​യു​ദ്ധം​ ​പ്ര​ഖ്യാ​പി​ക്കു​ന്ന​ത്.​ ​എ.​ഡി.​ജി.​പി​ ​എം.​ ​ആ​ർ.​ ​അ​ജി​ത് ​കു​മാ​റി​നെ​തി​രെ​ ​ആ​രോ​പ​ണം​ ​വ​ന്നു.​ ​ഒ​രു​ ​മാ​സം​ ​അ​ന്വേ​ഷ​ണ​ത്തി​നു​ ​സ​മ​യം​ ​ന​ൽ​കി.​ ​അ​ക്കാ​ര്യ​ത്തി​ൽ​ ​ഫ​ല​പ്ര​ദ​മാ​യി​ ​ന​ട​പ​ടി​ ​സ്വീ​ക​രി​ക്കും.​ ​സ​ർ​ക്കാ​രി​ന് ​ആ​രു​ടെ​യും​ ​മു​ഖം​ ​നോ​ക്കേ​ണ്ട​ ​കാ​ര്യ​മി​ല്ല.​ ​ഉ​ദ്യോ​ഗ​സ്ഥ​ർ​ക്കെ​തി​രെ​ ​ആ​രോ​പ​ണം​ ​വ​ന്നാ​ൽ​ ​ഉ​ട​ൻ​ ​ന​ട​പ​ടി​യെ​ടു​ക്കാ​ൻ​ ​ക​ഴി​യി​ല്ല.​ ​അ​തു​ ​ഭ​ര​ണ​ത്തെ​ ​ബാ​ധി​ക്കു​ന്ന​ ​തെ​റ്റാ​യ​ ​കീ​ഴ്വ​ഴ​ക്ക​മാ​ണ്.​ ​എ​ന്നാ​ൽ​ ​ഏ​ത് ​ഉ​ന്ന​ത​ ​ഉ​ദ്യോ​ഗ​സ്ഥ​ൻ​ ​ആ​യാ​ലും​ ​തെ​റ്റു​ ​ക​ണ്ടെ​ത്തി​യാ​ൽ​ ​ക​ർ​ക്ക​ശ​മാ​യ​ ​ന​ട​പ​ടി​യെ​ടു​ക്കു​മെ​ന്നും​ ​എം.​വി.​ഗോ​വി​ന്ദ​ൻ​ ​പ​റ​ഞ്ഞു.