SignIn
Kerala Kaumudi Online
Monday, 28 September 2020 3.42 PM IST

ട്രഷറി തട്ടിപ്പ് കേസ്; അഡീഷണൽ ചീഫ് സെക്രട്ടറിയുടെ റിപ്പോർട്ട് ഉടൻ, വിജിലൻസ് അന്വേഷണ സാദ്ധ്യത തേടി സർക്കാർ

treasury-scam

തിരുവനന്തപുരം: ട്രഷറി തട്ടിപ്പ് കേസിൽ വിജിലൻസ് അന്വേഷണത്തിന് സാദ്ധ്യത തേടി സംസ്ഥാന സർക്കാർ. ട്രഷറി വകുപ്പിലെ വീഴ്‌ചകളെ കുറിച്ച് അന്വേഷിക്കുന്ന അഡീഷണൽ ചീഫ് സെക്രട്ടറിയുടെ റിപ്പോർട്ട് ഉടൻ സർക്കാരിന് കൈമാറും എന്നാണ് വിവരം. തട്ടിപ്പുകൾ ആവർത്തിക്കുന്ന സാഹചര്യത്തിൽ അന്വേഷണം വേണമെന്നാണ് സി.പി.ഐ അനുകൂല സർവീസ് സംഘടനയായ ജോയിന്റ് കൗൺസിലും ആവശ്യപ്പെടുന്നത്.

ബിജുലാൽ നടത്തിയ ക്രമക്കേടുകളെ കുറിച്ച് മാത്രമാണ് ക്രൈംബ്രാഞ്ച് നിലവിൽ അന്വേഷണം നടത്തുന്നത്. എന്നാൽ സംഭവത്തെപ്പറ്റി വ്യാപകമായ പരാതികൾ ഉയരുന്ന സാഹചര്യത്തിലാണ് വിജിലൻസ് അന്വേഷണത്തിനുള്ള സാദ്ധ്യത സർക്കാർ തേടുന്നത്. വിജിലൻസ് അന്വേഷണം പ്രഖ്യാപിക്കുന്നത് പ്രതിപക്ഷം ആയുധമാക്കുമോയെന്ന ആശങ്ക സർക്കാരിനെ അലട്ടുന്നുണ്ട്. അതുകൊണ്ട് തന്നെ പാർട്ടിയിലും മുന്നണിയിലും അടക്കം കൂടിയാലോചനകൾ നടത്തിയായിരിക്കും സർക്കാർ തീരുമാനമുണ്ടാവുക.

അഡീഷണൽ ചീഫ് സെക്രട്ടറി സമർപ്പിക്കുന്ന റിപ്പോർട്ട് ഇക്കാര്യത്തിൽ നിർണായകമാകും. ബിജുലാൽ നടത്തിയതിന് സമാനമായ തട്ടിപ്പുകൾ മുമ്പും നടന്നിട്ടുണ്ടോ എന്നാണ് അഡീഷണൽ ചീഫ് സെക്രട്ടറി പ്രധാനമായും പരിശോധിക്കുന്നത്. കേസിൽ അറസ്റ്റിലായ ബിജുലാലിൽ നിന്ന് വിശദീകരണം തേടാതെ പിരിച്ചുവിടാനുളള നടപടികളും ധനവകുപ്പ് വേഗത്തിലാക്കിയിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, BIJULAL, TREASURY SCAM, KERALA GOVERNMENT, ADDITIONAL CHIEF SECRETARY, VIGILANCE
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.