എൻ.രാമചന്ദ്രൻ അനുസ്മരണം നാളെ

തിരുവനന്തപുരം : പ്രമുഖ മാദ്ധ്യമപ്രവർത്തകനും കേരളകൗമുദി എഡിറ്റോറിയൽ അഡ്വൈസറുമായിരുന്ന എൻ.രാമചന്ദ്രന്റെ 12 -ാം അനുസ്മരണസമ്മേളനം നാളെ നടക്കും. വൈകിട്ട് നാലിന് വഴുതയ്ക്കാട് ട്രിവാൻഡ്രം ക്ലബിൽ എൻ.രാമചന്ദ്രൻ ഫൗണ്ടേഷൻ സംഘടിപ്പിക്കുന്ന പരിപാടി മന്ത്രി ഷിബു ബേബി ജോൺ ഉദ്ഘാടനം ചെയ്യും. ഫൗണ്ടേഷൻ പ്രസിഡന്റ് പ്രഭാവർമ്മ അദ്ധ്യക്ഷത വഹിക്കും. മാദ്ധ്യമപ്രവർത്തകൻ ജോൺ മുണ്ടക്കയം അനുസ്മരണപ്രഭാഷണം നടത്തും. ചടങ്ങിൽ ഫൗണ്ടേഷൻ സെക്രട്ടറി പി.പി.ജയിംസ്, വൈസ് പ്രസിഡന്റ് ബാബു ദിവാകരൻ തുടങ്ങിയവർ സംസാരിക്കും.

 പാർവതി.കെ.നായർക്ക് അവാർഡ്

എൻ.രാമചന്ദ്രന്റെ സ്മരണാർത്ഥം തിരുവനന്തപുരം പ്രസ്‌ക്ലബ് ഇൻസ്റ്റിറ്റ്യൂട്ട് ഒഫ് ജേണലിസത്തിൽ ഒന്നാംറാങ്ക് നേടുന്ന വിദ്യാർത്ഥിക്കുള്ള പുരസ്‌കാരം പാർവതി കെ.നായർക്ക് മന്ത്രി സമ്മാനിക്കും. 2024-25 വർഷത്തിലെ റാങ്ക് ജേതാവാണ് പാർവതി. തിരുവനന്തപുരം മരുതംകുഴിയിൽ എ.എസ്.സുരേഷ് കുമാറിന്റെയും എസ്.കൈരളിയുടെയും മകളാണ്. റിപ്പോർട്ടർ ടി.വി ഡിജിറ്റലിൽ സബ് എഡിറ്ററാണ്.