പിണറായി വിജയന് തിരിച്ചടി; മാസപ്പടി കേസിൽ സിം​ഗിൾ ബെഞ്ച് ഉത്തരവിനെതിരെ അപ്പീൽ അനുമതി നിഷേധിച്ച്​ ഹൈക്കോടതി

കൊച്ചി: മാസപ്പടി കേസിൽ പ്രതിപക്ഷ നേതാവ് പിണറായി വിജയന് ഹൈക്കോടതിയിൽ തിരിച്ചടി. കേസിൽ പിണറായി വിജയന്റെയടക്കമുള്ള അപ്പീൽ അനുമതി ഹർജികൾ ഹൈക്കോടതി തള്ളി. വിജിലൻസ് എഫ്ഐആർ ഇടണമെന്ന സിംഗിൾ ബെഞ്ച് ഉത്തരവിനെതിരായ അപ്പീൽ പരിഗണിക്കില്ലെന്ന് കോടതി വ്യക്തമാക്കി.

കേസിൽ പിണറായി വിജയൻ, മുഹമ്മദ് റിയാസ്, വീണ വിജയൻ എന്നിവർ നൽകിയ ഹർജിയാണ് തള്ളിയത്. തങ്ങളുടെ ഭാഗം കേട്ടില്ലെന്നും സിംഗിൾ ബെഞ്ച് ഉത്തരവ് നിയമപരമല്ലെന്നുമായിരുന്നു ഹർജിക്കാരുടെ വാദം. ഇക്കാര്യത്തിൽ സർ‌ക്കാരും ഹർജിക്കാർക്ക് അനുകൂലമായ നിലപാടാണ് കോടതിയെ അറിയിച്ചിരുന്നത്. എന്നാൽ അപ്പീലിന് അനുമതി നൽകരുതെന്നായിരുന്നു ഇഡിയുടെ വാദം.

കേസിൽ ഇരുപക്ഷത്തിന്റെയും വാദം കേട്ട ഹൈക്കോടതി സിംഗിൾ ബെഞ്ച് ഉത്തരവ് പ്രതികളുടെ അവകാശങ്ങളെ ബാധിക്കില്ലെന്നും എഫ്ഐആർ രജിസ്റ്റർ ചെയ്താൽ നിയമപരമായി ചോദ്യം ചെയ്യാമെന്നും ചൂണ്ടിക്കാട്ടി ഹർജികൾ തള്ളുകയായിരുന്നു.