അപകട ഡ്രൈവിംഗ് : 18 കാരനെ ബോസ്റ്റൽ സ്‌കൂളിലേക്ക് മാറ്റി

ചങ്ങനാശേരി : എട്ടു കിലോമീറ്ററോളം അപകടകരമായ രീതിയിൽ കാറോടിച്ച് നിരവധി വാഹനങ്ങളിൽ ഇടിപ്പിച്ച 18കാരനെ ബോസ്റ്റൽ സ്‌കൂളിലേക്ക് മാറ്റി. തിരുവല്ല റെയിൽവേ സ്റ്റേഷന് സമീപം താമസിക്കുന്ന വലിയവീട്ടിൽ താഴയിൽ ഗോകുൽ (18) നെയാണ് തൃക്കൊടിത്താനം പൊലീസ് അറസ്റ്റ് ചെയ്തത്. ചൊവ്വാഴ്ച വൈകിട്ട് തിരുവല്ലയിൽ നിന്ന് വാടകയ്‌ക്കെടുത്ത ഇന്നോവ കാറുമായാണ് ഗോകുൽ അപകടമുണ്ടാക്കിയത്. കാറിന്റെ ടയർ പൊട്ടി തീപ്പൊരി പാറിയിട്ടും മരണപ്പാച്ചിൽ നടത്തിയ യുവാവിനെ ഒടുവിൽ നാട്ടുകാർ സാഹസികമായി തടഞ്ഞുനിറുത്തി പൊലീസിന് കൈമാറുകയായിരുന്നു.