കെ.പി.സി.സിയുടെ ലോക് ഭവൻ മാർച്ച് ഇന്ന്

തിരുവനന്തപുരം: കേന്ദ്ര തിരഞ്ഞെടുപ്പ് കമ്മിഷന്റെ പ്രവർത്തനങ്ങളെ ഏകപക്ഷീയമായി മുന്നോട്ടു കൊണ്ടുപോകുന്ന ചീഫ് ഇലക്ഷൻ കമ്മിഷണർ ഗ്യാനേഷ് കുമാറിനെ പുറത്താക്കണമെന്നാവശ്യപ്പെട്ട് കെ.പി.സി.സിയുടെ നേതൃത്വത്തിൽ ഇന്ന് വൈകിട്ട് 4ന് ലോക്‌ഭവനിലേയ്ക്ക് മാർച്ച് നടത്തും. മുഖ്യമന്ത്രി വി.ഡി.സതീശൻ, കെ.പി.സി.സി പ്രസിഡന്റ് സണ്ണി ജോസഫ്, മന്ത്രിമാർ, എം.പിമാർ, എം.എൽ.എമാർ, കെ.പി.സി.സി ഭാരവാഹികൾ, തദ്ദേശസ്ഥാപനങ്ങളിലെ ജനപ്രതിനിധികൾ തുടങ്ങിയവർ പങ്കെടുക്കും. നാളെ ഡി.സി.സികളുടെ നേതൃത്വത്തിൽ ജില്ലാ ആസ്ഥാനങ്ങളിലേക്കും മാർച്ച് സംഘടിപ്പിക്കും.