കെ.വി. റാബിയ സ്മാരക പ്രഥമ പുരസ്‌കാരദാനം

തിരൂരങ്ങാടി: സാക്ഷരതാ പ്രവർത്തകയായിരുന്ന കെ.വി. റാബിയയുടെ സ്മരണാർത്ഥം സിഗ്‌നേച്ചർ ഭിന്നശേഷി ശാക്തീകരണ വേദി ഏർപ്പെടുത്തിയ പ്രഥമ പുരസ്‌കാരങ്ങൾ വിതരണം ചെയ്തു. തിരൂരങ്ങാടി പി.എസ്.എം.ഒ. കോളേജിൽ എൻ.എസ്.എസ്. യൂണിറ്റിന്റെ സഹകരണത്തോടെ സംഘടിപ്പിച്ച സംഗമത്തിൽ 'സേവനരത്ന' പുരസ്‌കാരം ഡോ: എം.എ. കബീറിനും .'കർമ്മശ്രേഷ്ഠ' പുരസ്‌കാരം എൻ.എം.റഫീഖിനും വിതരണം ചെയ്തു. പി.എസ്.എം.ഒ. കോളേജ് പ്രിൻസിപ്പൽ ഡോ. വി.പി. ജംഷീദ് അദ്ധ്യക്ഷത വഹിച്ചു. തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് ഇ.കെ. ബഷീർ ഭിന്നശേഷി സംഗമത്തിന്റെ ഉദ്ഘാടനവും പ്രഥമ പുരസ്‌കാരങ്ങളുടെ വിതരണവും നിർവ്വഹിച്ചു.