കർണാടകത്തിൽ വിദ്യാർത്ഥികൾക്ക് സൗജന്യ യാത്ര

ബംഗളൂരൂ: മുഖ്യമന്ത്രിയായി അധികാരമേറ്റതിനുപിന്നാലെ കർണാടകയിലെ വിദ്യാർത്ഥികൾക്ക് സൗജന്യ ബസ് യാത്ര അനുവദിച്ച് ഡി.കെ ശിവകുമാർ. ഡി.കെയുടെ അദ്ധ്യക്ഷതയിൽ ചേർന്ന ആദ്യ മന്ത്രിസഭാ യോഗത്തിലാണ് തീരുമാനം. സ്‌കൂൾ, കോളേജ് വിദ്യാർത്ഥികൾക്ക് ബസ് യാത്ര സൗജന്യമാകും.

ഇത് യുവത്വത്തിന്റെ കാലഘട്ടമാണെന്ന് ഡി.കെ പറഞ്ഞു. പെൺകുട്ടികൾക്ക് മാത്രം എന്തിനാണ് സൗജന്യ ബസ് യാത്ര എന്ന് വിദ്യാർത്ഥികൾ ചോദിക്കുന്നുണ്ടായിരുന്നു. തങ്ങൾ എല്ലാ വിദ്യാർത്ഥികൾക്കും യാതൊരു നിരക്കും ഈടാക്കാതെ സൗജന്യ ബസ് പാസ് നൽകുകയാണ്. എല്ലാ സ്‌കൂൾ, കോളേജ് വിദ്യാർത്ഥികൾക്കും ബസ് പാസ് സൗജന്യമായിരിക്കും. ഗതാഗത വകുപ്പുമായി ഇക്കാര്യം ചർച്ച ചെയ്യുമെന്നും ഡി.കെ വാർത്താ സമ്മേളനത്തിൽ അറിയിച്ചു.