കേപ്ടൗൺ ടെസ്റ്റിൽ ജയം, ദക്ഷിണാഫ്രിക്ക ഒന്നാമത്

കേപ് ടൗൺ: കേപ് ടൗണിൽ നടന്ന മൂന്നാം ക്രിക്കറ്റ് ടെസ്റ്റിൽ ഓസ്‌ട്രേലിയയെ 176 റൺസിന് തോൽപ്പിച്ച് ദക്ഷിണാഫ്രിക്ക മൂന്ന് മത്സരങ്ങളടങ്ങിയ ടെസ്റ്റ് പരമ്പര 2-1 ന് സ്വന്തമാക്കി. ജയത്തോടെ ഓസ്‌ട്രേലിയയെ മറികടന്ന് ദക്ഷിണാഫ്രിക്ക ഐ.സി.സി ടെസ്റ്റ് റാങ്കിംഗിൽ ഒന്നാം സ്ഥാനത്തെത്തി.

സ്‌കോർ: ദക്ഷിണാഫ്രിക്ക-329, 387, ഓസ്‌ട്രേലിയ-429, 111.

ഓസീസിനു മുന്നിൽ 288 റൺസ് വിജയലക്ഷ്യം മുന്നോട്ടുവെച്ച ദക്ഷിണാഫ്രിക്ക രണ്ടാം ഇന്നിംഗ്സിൽ അവരെ വെറും 111 റൺസിന് ആൾഔട്ടാക്കിയാണ് വിജയം സ്വന്തമാക്കിയത്. ദക്ഷിണാഫ്രിക്കൻ നിരയിൽ സ്പിന്നർ സൈമൺ ഹാർമർ ആറു വിക്കറ്റുകളും പേസർ കാഗിസോ റബാദ മൂന്നു വിക്കറ്റുകളും വീഴ്ത്തി.

ഐസിസി ടെസ്റ്റ് ടീം റാങ്കിംഗിൽ 124 റേറ്റിങ് പോയന്റുകളോടെയാണ് ദക്ഷിണാഫ്രിക്ക ഒന്നാം റാങ്ക് കരസ്ഥമാക്കിയത്. കഴിഞ്ഞ രണ്ടര വർഷത്തിലേറെയായി ഒന്നാം സ്ഥാനത്ത് തുടർന്ന ഓസ്‌ട്രേലിയ 122 പോയന്റോടെ രണ്ടാം സ്ഥാനത്തേക്ക് പിന്തള്ളപ്പെട്ടു.

ഈ ജയം 2025-27 ഐസിസി ലോക ടെസ്റ്റ് ചാമ്പ്യൻഷിപ്പ് പോയന്റ് പട്ടികയിലും ദക്ഷിണാഫ്രിക്കയ്ക്ക് നേട്ടമുണ്ടാക്കി. 71.43 പോയന്റ് ശതമാനവുമായി (60 പോയിന്റ്) നേടി ദക്ഷിണാഫ്രിക്ക പട്ടികയിൽ രണ്ടാം സ്ഥാനത്തേക്ക് ഉയർന്നപ്പോൾ, ഓസ്‌ട്രേലിയ 69.23 പോയന്റ് ശതമാനവുമായി (108 പോയിന്റ്) നേടി മൂന്നാം സ്ഥാനത്തേക്ക് വീണു. നിലവിൽ 72.22 പോയന്റ് ശതമാനവുമായി (52 പോയിന്റ്) ന്യൂസീലൻഡാണ് ടെസ്റ്റ് ചാമ്പ്യൻഷിപ്പ് പോയന്റ് പട്ടികയിൽ ഒന്നാമത്. 51.52 പോയന്റ് ശതമാനവുമായി ഇന്ത്യ നാലാം സ്ഥാനത്താണ്.