ഭയപ്പെടുത്തും ഭീമൻ മത്തങ്ങ

ന്യൂയോർക്ക്: നൂറ്റാണ്ടുകളായി ഹാലോവീൻ ഡേ ആഘോഷങ്ങളുടെ ഏറ്റവും പ്രധാനപ്പെട്ട ഭാഗമാണ് മത്തങ്ങകൾ. കണ്ണും വായും ഒക്കെ കൊത്തിവച്ച ഭീകരരൂപീകളായ മത്തങ്ങകൾ. വീടിലും പുറത്തുമെല്ലാം ഇത്തരം മത്തങ്ങകൾ കൊണ്ട് അലങ്കരിക്കുന്ന ചടങ്ങ് ' ജാക്ക് ഓ ലാന്റേൺ " എന്നാണ് അറിയപ്പെടുന്നത്. ഇപ്പോഴിതാ,​ ലോകത്തെ ഏറ്റവും വലിയ ജാക്ക് ഓ ലാന്റേൺ മത്തങ്ങ എന്ന ലോക റെക്കാഡ് നേടിയിരിക്കുകയാണ് 1,431.5 കിലോഗ്രാം ഭാരമുള്ള ഭീമൻ. യു.എസിലെ മസാച്യുസെറ്റ്സിലെ സേലം പട്ടണത്തിൽ വച്ചാണ് നേട്ടം കൈവരിച്ചത്. 32 മണിക്കൂർ കൊണ്ടാണ് ഭീമൻ മത്തങ്ങയെ ജാക്ക് ഓ ലാന്റേൺ ആക്കി മാറ്റിയത്. വവ്വാൽ മുതൽ മന്ത്രവാദിനി വരെ നീളുന്ന നിരവധി രൂപങ്ങൾ മത്തങ്ങയിൽ കൊത്തിവച്ചു. വിദഗ്ദർ ഉൾപ്പെട്ട പ്രൊഫഷണൽ ടീമാണ് ഇതിന് പിന്നിൽ. 123 ദിവസങ്ങൾ കൊണ്ട് റോഡ് ഐലൻഡിലെ റോൺ വാലസ് എന്ന കർഷകനാണ് ഭീമൻ മത്തങ്ങ വളർത്തിയെടുത്തത്.