തമിഴ്നാട്ടിൽ പെട്രോൾ ബോംബ് ഏറിനെത്തുടർന്ന് അതീവ ജാഗ്രത

മധുര: തമിഴ്നാട്ടിൽ ബി.ജെ.പി,​ ആർ.എസ്.എസ് പ്രവർത്തകർക്കെതിരെ നടത്തിയ ആക്രമണങ്ങളുടെ പശ്ചാത്തലത്തിൽ അതീവ ജാഗ്രത. മധുരയിലെ ആ‌ർ.എസ്.എസ് കാര്യവാഹകിന്റെ വസതിക്കു നേരെ ശനിയാഴ്ച മൂന്ന് പെട്രോൾ ബോംബെറിഞ്ഞിരുന്നു. ഏഴോളം അക്രമ സംഭവങ്ങൾ റിപ്പോർട്ട് ചെയ്യപ്പെട്ട കോയമ്പത്തൂരിൽ റാപ്പിഡ് ആക്ഷൻ ഫോഴ്സ് (ആർ.എ.എഫ്)​,​ സ്റ്രേറ്റ് കമാൻഡോകൾ,​ പ്രത്യേക സേന എന്നിവയെ വിന്യസിച്ചിട്ടുണ്ട്. കഴിഞ്ഞ രണ്ട് ദിവസങ്ങളിലായി കോയമ്പത്തൂരിലും മധുര,​ സേലം ജില്ലകളിലും ബി.ജെ.പി,​ ആർ.എസ്.എസ് പ്രവർത്തകരുടെ വാഹനങ്ങൾ കത്തിക്കുകയും വീടുകൾക്ക് നേരെ കല്ലെറിയുകയും ചെയ്തിരുന്നു,