ട്രോളിംഗ് നിരോധനം നാളെ മുതൽ

കൊല്ലം: സംസ്ഥാനത്ത് നാളെ അർദ്ധരാത്രി മുതൽ ട്രോളിംഗ് നിരോധനം ആരംഭിക്കും. ആഴക്കടൽ മത്സ്യബന്ധനം നടത്തുന്ന യന്ത്രവത്കൃത ബോട്ടുകൾക്ക് 52 ദിവസമാണ് നിയന്ത്രണം. നാളെ രാത്രി 12ന് മുമ്പ് ഇത്തരം ബോട്ടുകൾ സുരക്ഷിത തീരത്തേക്ക് മാറ്റണം. ഇക്കാര്യം ഉറപ്പാക്കാൻ മറൈൻ എൻഫോഴ്സ്‌മെന്റും കോസ്റ്റൽ പൊലീസും പട്രോളിംഗ് നടത്തും. ഉപരിതല മത്സ്യബന്ധനം നടത്തുന്ന പരമ്പരാഗത വള്ളങ്ങൾക്കും ഇൻബോർഡ് ബോട്ടുകൾക്കും നിയന്ത്രണമില്ല. എല്ലാ തീരദേശ ജില്ലകളിലും 24 മണിക്കൂറും കൺട്രോൾ റൂമുകളും പ്രവർത്തിക്കുന്നുണ്ട്.