പാക് ആക്രമണം: അഫ്ഗാനിൽ 9 മരണം

കാബൂൾ: അഫ്ഗാനിസ്ഥാനെതിരെ പ്രകോപനം തുടർന്ന് പാകിസ്ഥാൻ. ഇന്നലെ പുലർച്ചെ കുനാർ, ഹെൽമന്ദ് പ്രവിശ്യകളിലുണ്ടായ പാക് വ്യോമാക്രമണത്തിൽ 9 സാധാരണക്കാർ കൊല്ലപ്പെട്ടെന്ന് താലിബാൻ ഭരണകൂടം പറഞ്ഞു. 11 പേർക്ക് പരിക്കേറ്റു. നിരവധി വീടുകളും തകർന്നു. പാകിസ്ഥാനി താലിബാൻ (ടി.ടി.പി),​ ബലൂചിസ്ഥാൻ ലിബറേഷൻ ആർമി (ബി.എൽ.എ)​ ഗ്രൂപ്പുകളെയാണ് ലക്ഷ്യമിട്ടതെന്നും 22 തീവ്രവാദികളെ വധിച്ചെന്നും പാകിസ്ഥാൻ വാദിച്ചു. കഴിഞ്ഞ ആഴ്ച അഫ്ഗാനിൽ പാക് ആക്രമണത്തിൽ 3 സാധാരണക്കാർ കൊല്ലപ്പെട്ടിരുന്നു.