ഷെയറിംഗ് താമസം: പുതിയ നിയമങ്ങളുമായി ദുബായ്

ദുബായ്: ഷെയറിംഗ് താമസത്തിന് കർശന നിയമങ്ങളുമായി ദുബായ് മുനിസിപ്പാലി​റ്റി. ഒരു ഷെയറിംഗ് യൂണി​റ്റിൽ കുടുംബങ്ങളെയും ബാച്ചിലർമാരെയും ഒരുമിച്ച് താമസിപ്പിക്കാൻ പാടില്ല. അംഗീകരിച്ച 44 ലേറെ മേഖലകളിൽ മാത്രമേ ഷെയറിംഗ് താമസം അനുവദിക്കൂ. ഷെയ്ഖ് സായിദ് റോഡ്, ജുമൈറ റോഡ് തുടങ്ങിയ ഇടങ്ങളിലെ കെട്ടിടങ്ങളിൽ ബാച്ചിലർമാർക്ക് ഷെയറിംഗ് താമസം അനുവദിക്കില്ല. പരമാവധി 4 താമസക്കാർക്ക് ഒരു ബാത്റൂം എന്നതുൾപ്പെടെ കെട്ടിടങ്ങളിലെ അമിത തിരക്ക് ഒഴിവാക്കാനുള്ള മാനദണ്ഡങ്ങളും നിശ്ചയിച്ചു. കെട്ടിട ഉടമകൾ ​പെർമി​റ്റുകൾ ഉറപ്പാക്കണം. നിയമം ലംഘിച്ചാൽ 5,00,000 ദിർഹം വരെയാണ് പിഴ. നിലവിൽ പ്രവർത്തിക്കുന്ന ഷെയറിംഗ് യൂണി​റ്റുകൾക്ക് നിയമങ്ങൾ നടപ്പാക്കാൻ ഒരു വർഷം സമയമുണ്ട്. അനധികൃതമായി മുറികൾ വേർതിരിച്ചിട്ടുണ്ടെങ്കിൽ ഉടൻ നീക്കണം.