SignIn
Kerala Kaumudi Online
Tuesday, 08 July 2025 7.52 AM IST

കനത്ത മഴയിൽ കാസർകോട്ട് രണ്ട് മരണം

Increase Font Size Decrease Font Size Print Page
chandrasekharan

തിരുവനന്തപുരം: സംസ്ഥാനത്ത് കാലവർഷം ശക്തമായതോടെ വ്യാപകമായ നാശനഷ്ടങ്ങളുണ്ടായി. കാസർകോട് ജില്ലയിൽ രണ്ടുപേർ വെള്ളക്കെട്ടിൽ അകപ്പെട്ട് മരിച്ചു. മധൂർ പരപ്പാടി ചേനക്കോട് ചന്ദ്രശേഖരൻ (37), ചെറുവത്തൂർ മയ്യിച്ചയിൽ സുധാകരൻ (50) എന്നിവരാണ് മരിച്ചത്. കോഴിക്കോട്, കണ്ണൂർ, കാസർകോട് ജില്ലകളിലാണ് കൂടുതൽ നാശനഷ്ടങ്ങളുണ്ടായത്. മഴയിൽ കാസർകോട്ട് അഞ്ച് വീടുകൾ പൂർണമായും അഞ്ചു വീടുകൾ ഭാഗികമായും തകർന്നു. മധുവാഹിനി പുഴ കരകവിഞ്ഞൊഴുകി. മണ്ണിടിച്ചിൽ ഭീഷണിയെ തുടർന്ന് ഏഴ് കുടുംബംഗങ്ങളെ മാറ്റിപ്പാർപ്പിച്ചു. പട്‌ളയിലും ഏഴ് കുടുംബങ്ങളെ മാറ്റിപ്പാർപ്പിച്ചു. കണ്ണൂരിൽ 140 പേരെ മാറ്റിപ്പാർപ്പിച്ചിട്ടുണ്ട്. കുപ്പം, കക്കാട് പുഴകൾ കരകവിഞ്ഞൊഴുകയതിനെ തുടർന്ന് താഴ്ന്ന പ്രദേശങ്ങൾ വെള്ളത്തിനടിയിലായി. കണ്ണൂരിൽ 23ഉം വയനാട്ടിൽ അഞ്ചും വീടുകൾ തകർന്നു. കണ്ണൂർ മലയോര മേഖലയിൽ രാത്രികാല ഗതാഗതം നിരോധിച്ചു.

മലപ്പുറത്ത് മഴ തുടരുന്നുണ്ടെങ്കിലും കാര്യമായ നാശനഷ്ടങ്ങളില്ല. പോത്തുകല്ലിൽ 12 കുടുംബങ്ങളെ മാറ്റിപ്പാർപ്പിച്ചു. വയനാട്ടിൽ രാത്രിയിൽ കനത്ത മഴയുണ്ടായി. ബാണാസുര സാഗർ അണക്കെട്ടിന്റെ മൂന്നാമത്തെ ഷട്ടർ 15 സെന്റിമീറ്റർ ഉയർത്തി. കഴിഞ്ഞ ദിവസം രണ്ട് ഷട്ടറുകൾ 15 സെന്റീമീറ്റർ ഉയർത്തിയിരുന്നു. കോട്ടയം ജില്ലയിലെ മലയോര മേഖലയിൽ കനത്ത മഴ തുടരുകയാണ്. താഴ്ന്ന പ്രദേശങ്ങൾ വെള്ളത്തിനടിയിലായി.

തെക്കൻ കേരളത്തിൽ മഴയ്ക്ക് ശക്തി കുറവാണെങ്കിലും ഡാമുകളിലേക്കുള്ള നീരൊഴുക്കിൽ വർദ്ധനയുണ്ട്. അരുവിക്കര ഡാമിന്റെ ഷട്ടർ 175 സെന്റിമീറ്ററും നെയ്യാർ ഡാമിന്റെ നാലു ഷട്ടറുകളും 15 സെന്റിമീറ്റർ വീതവും ഉയർത്തിയിട്ടുണ്ട്. കരമനയാറിന്റെ തീരത്തുള്ളവരോട് ജാഗ്രത പാലിക്കാൻ ജില്ലാ ഭരണകൂടം നിർദ്ദേശിച്ചു. ശക്തമായ മഴയിൽ ഇടുക്കി ഡാമിലും ജലനിരപ്പ് ഉയർന്നിട്ടുണ്ട്. മഴ ശക്തമായതിനാൽ ദുന്തനിവാരണ സേനയോട് ഏത് നിമിഷവും സജ്ജമായിരിക്കാൻ നിർദ്ദേശിച്ചിട്ടുണ്ട്.

ഇ​ടു​ക്കി​ ​ഡാ​മി​ലും ജ​ല​നി​ര​പ്പ് ​ഉ​യ​രു​ന്നു

തി​രു​വ​ന​ന്ത​പു​രം​:​ ​കാ​ല​വ​ർ​ഷം​ ​ശ​ക്ത​മാ​യി​ ​മൂ​ന്നു​ ​നാ​ൾ​ ​കൂ​ടി​ ​തു​റ​ന്നാ​ൽ,​ ​ഇ​ടു​ക്കി​ ​ഉ​ൾ​പ്പെ​ടെ​യു​ള്ള​ ​വ​ലി​യ​ ​ഡാ​മു​ക​ൾ​ ​തു​റ​ന്നു​വി​ടേ​ണ്ടി​ ​വ​രു​മെ​ന്ന​ ​ക​ണ​ക്കു​കൂ​ട്ട​ലി​ലാ​ണ് ​കെ.​എ​സ്.​ഇ.​ബി.​ഇ​ടു​ക്കി,​​​ ​ഇ​ട​മ​ല​യാ​ർ​ ​ഡാ​മു​ക​ളി​ൽ​ ​ജ​ല​നി​ര​പ്പ് 80​ ​ശ​ത​മാ​നം​ ​പി​ന്നി​ട്ടു.​ ​ക​ഴി​ഞ്ഞ​ ​മാ​സം​ ​മൂ​ന്നു​ ​ദി​വ​സം​ ​തു​ട​ർ​ച്ച​യാ​യി​ ​മ​ഴ​ ​ല​ഭി​ച്ച​പ്പോ​ഴും​ ​ജ​ല​നി​ര​പ്പ് ​ശ​രാ​ശ​രി​ 60​ ​ശ​ത​മാ​ന​മാ​യി​രു​ന്നു.
ക​ന​ത്ത​ ​മ​ഴ​ ​തു​ട​രു​ന്ന​തി​നി​ടെ​ ​ഞാ​യ​റാ​ഴ്ച​ ​കെ.​എ​സ്.​ഇ.​ബി​യു​ടെ​ ​ഒ​ൻ​പ​ത് ​ഡാ​മു​ക​ൾ​ ​തു​റ​ന്നി​രു​ന്നു.​ ​ഷോ​ള​യാ​ർ,​​​ ​ബാ​ണാ​സു​ര​സാ​ഗ​ർ,​​​ ​കു​ണ്ട​ള,​​​ ​ലോ​വ​ർ​ ​പെ​രി​യാ​ർ,​​​ ​ക​ല്ലാ​ർ,​​​ ​മൂ​ഴി​യാ​ർ,​​​ ​ക​ല്ലാ​ർ​കു​ട്ടി,​​​ ​പൊ​ന്മു​ടി,​​​ ​പൊ​രി​ങ്ങ​ൽ​ക്കു​ത്ത് ​ഡാ​മു​ക​ളാ​ണ് ​തു​റ​ന്ന​ത്.​ ​ഇ​തി​ൽ​ ​തൃ​ശൂ​രി​ലെ​ ​ഷോ​ള​യാ​റും​ ​വ​യ​നാ​ട്ടി​ലെ​ ​ബാ​ണാ​സു​ര​സാ​ഗ​റു​മാ​ണ് ​വ​ലി​യ​ ​അ​ണ​ക്കെ​ട്ടു​ക​ൾ.​ ​ബാ​ണാ​സു​ര​ ​സാ​ഗ​റി​ൽ​ ​ഇ​ന്ന​ലെ​യും​ ​ജ​ല​നി​ര​പ്പ് ​ഉ​യ​ർ​ന്ന​തി​നാ​ൽ​ ​ഷ​ട്ട​റു​ക​ൾ​ 45​ ​സെ​ന്റി​മീ​റ്റ​ർ​ ​കൂ​ടി​ ​ഉ​യ​ർ​ത്തി.​ ​ആ​കെ​ 90​ ​സെ​ന്റി​മീ​റ്റ​ർ​ ​ഷ​ട്ട​ർ​ ​ഉ​യ​ർ​ത്തി​യി​രി​ക്കു​ക​യാ​ണ്.​ ​പു​റ​ത്തു​ ​വി​ടു​ന്ന​ ​ജ​ലം​ ​സെ​ക്ക​ൻ​ഡി​ൽ​ 75​ ​ക്യൂ​ബി​ക്സ് ​മീ​റ്റ​റാ​യും,​ ​പു​ഴ​ക​ളി​ൽ​ ​ജ​ല​നി​ര​പ്പ് 60​ ​സെ​ന്റി​മീ​റ്റ​റി​ലേ​റെ​യും​ ​വ​ർ​ദ്ധി​ച്ചു.​ ​ഡാ​മി​ന്റെ​ ​ഇ​രു​ക​ര​ക​ളി​ലെ​യും​ ​പ്ര​ദേ​ശ​വാ​സി​ക​ളോ​ട് ​മാ​റി​ത്താ​മ​സി​ക്കാ​ൻ​ ​ജി​ല്ലാ​ഭ​ര​ണ​കൂ​ടം​ ​നി​ർ​ദ്ദേ​ശി​ച്ചു.
മ​ഴ​ ​ഇ​ട​വി​ട്ട് ​പെ​യ്യു​ന്ന​തി​നാ​ൽ​ ​വ്യാ​പ​ക​മാ​യ​ ​വെ​ള്ള​പ്പൊ​ക്ക​മി​ല്ല.​ ​ഇ​തു​കാ​ര​ണം​ ​‌​ഡാം​ ​ചെ​റി​യ​തോ​തി​ൽ​ ​തു​റ​ന്നു​വി​ടു​മ്പോ​ൾ​ ​കൂ​ടു​ത​ൽ​ ​പ്ര​ശ്ന​ങ്ങ​ളു​ണ്ടാ​കി​ല്ല.​ ​മ​ഴ​യു​ടെ​ ​തോ​ത് ​കൂ​ടു​ക​യും,​ ​ഇ​ട​വേ​ള​ ​കു​റ​യു​ക​യും​ ​ചെ​യ്താ​ൽ​ ​സ്ഥി​തി​ഗ​തി​ക​ൾ​ ​രൂ​ക്ഷ​മാ​വും.

TAGS: RAIN
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.