വിജയ് ഹസാരെ ട്രോഫിക്കുള്ള കേരള ടീമിനെ സഞ്ജു നയിക്കും, സച്ചിൻ ബേബി വൈസ് ക്യാപ്ടൻ

തിരുവനന്തപുരം: വിജയ് ഹസാരെ ട്രോഫിക്കുള്ള കേരള ടീമിനെ സഞ്ജു വി സാംസൺ നയിക്കും. സച്ചിൻ ബേബിയാണ് വൈസ് ക്യാപ്ടൻ. ഈ മാസം എട്ട് മുതൽ രാജ്കോട്ടിൽ വച്ചാണ് മത്സരം. 19 അംഗ ടീമിൽ രോഹൻ എസ് കുന്നുമ്മൽ, വിഷ്ണു വിനോദ്, ജലജ് സക്സേന, മുഹമ്മദ് അസ്ഹറുദ്ദീൻ, സിജോമോൻ ജോസഫ് എന്നിവരേയും ഉൾപ്പെടുത്തിയിട്ടുണ്ട്.

ഈ മാസം എട്ടിന് ചണ്ഡിഗർഹുമായിട്ടാണ് കേരളത്തിന്റെ ആദ്യ മത്സരം. ഒൻപതിന് മദ്ധ്യപ്രദേശിനെയും , 11ന് മഹാരാഷ്ട്രയേയും, 12ന് ചത്തീസ്ഗർഹിനേയും കേരളം നേരിടും. 14ന് നടക്കുന്ന അവസാന മത്സരത്തിൽ ഉത്തരാഖണ്ഡാണ് കേരളത്തിന്റെ എതിരാളികൾ. കേരളത്തിന്റെ എല്ലാ മത്സരങ്ങളും രാജ്കോട്ടിൽ വച്ചാണ് നടക്കുക. ടീം വ്യാഴാഴ്ച രാജ്കോട്ടിലേക്ക് തിരിക്കും.

ടീം: സഞ്ജു വി സാംസൺ, സച്ചിൻ ബേബി, വത്സൽ ഗോവിന്ദ് ശർമ്മ, രോഹൻ എസ് കുന്നുമ്മൽ, വിഷ്ണു വിനോദ്, രാഹുൽ പി, അബ്ദുൾ ബാസിത്ത് പി എ, മിഥുൻ എസ്, അക്ഷയ് കെ സി, വൈശാഖ് ചന്ദ്രൻ, ബേസിൽ തമ്പി, വിശ്വേശർ എ സുരേഷ്, നിധീഷ് എം ഡി, ആനന്ദ് ജോസഫ്, ജലജ് സക്സേന, മുഹമ്മദ് അസ്ഹറുദ്ദീൻ എം, വിനൂപ് എസ് മനോഹരൻ, സിജോമോൻ ജോസഫ്, മനു കൃഷ്ണൻ