പഠനോപകരണ വിതരണം

മുക്കം: നിർധന വിദ്യാർത്ഥികൾക്കുള്ള മുക്കം കരുണ ചാരിറ്റബിൾ ഫൗണ്ടേഷന്റെ പഠനോപകരണ കിറ്റുകൾ നീലേശ്വരം ഹയർസെക്കൻഡറി, മുത്തേരി ഗവ. യു പി, അഗസ്ത്യൻമുഴി എയുപി, മണാശ്ശേരി ജിയുപി എന്നീ സ്കൂളുകളിൽ വിതരണം നടത്തി.

നീലേശ്വരം ഹയർ സെക്കൻഡറിയിൽ പ്രധാനാദ്ധ്യാപകൻ (ഇൻ ചാർജ്) അബ്ദു നാസറും നീലേശ്വരം ഹയർ സെക്കൻഡറിയിൽ പ്രിൻസിപ്പൽ ഇൻ ചാർജ് മൃദുലയും മുത്തേരി ജി യു പിയിൽ പ്രധാനാദ്ധ്യാപിക സന്ധ്യ തോമസും അഗസ്ത്യൻമുഴി താഴക്കോട് യു പി സ്കൂളിൽ പ്രധാനാദ്ധ്യാപിക കെ ആർ മീവാറും മണാശ്ശേരി ജി യു പി സ്കൂളിൽ പ്രധാനാദ്ധ്യാപിക ബബിതയും കിറ്റുകൾ ഏറ്റുവാങ്ങി. കരുണ ഭാരവാഹികളായ ഐപി ഉമർ, വി.അബ്ദുൽ കരീം,സലാം മുണ്ടോളി, വി അബ്ദുൽജബ്ബാർ എന്നിവർ പങ്കെടുത്തു.