200ഓളം സ്ത്രീകളെ ബലാത്സംഗം ചെയ്‌തു; 43കാരന്റെ പരസ്യ വധശിക്ഷ നടപ്പാക്കി ഇറാൻ

ടെഹ്‌റാൻ: രണ്ട് പതി​റ്റാണ്ടിനിടെ ഇരുന്നൂറോളം സ്ത്രീകളെ ബലാത്സംഗം ചെയ്‌ത 43കാരനെ പരസ്യമായി തൂക്കിലേറ്റി ഇറാൻ. ചൊവ്വാഴ്ച പുലർച്ചെ പടിഞ്ഞാറൻ ഇറാനിലെ ഹമേദാൻ നഗരത്തിലാണ് വധശിക്ഷ നടപ്പാക്കിയത്. ഇവിടെ ഫാർമസിയും ജിമ്മും നടത്തിയിരുന്ന മുഹമ്മദ് അലി സലാമത്ത് എന്നയാളെയാണ് തൂക്കിലേറ്റിയത്. ജനുവരിയിലാണ് ഇയാൾ അറസ്​റ്റിലായത്. സ്ത്രീകളോട് വിവാഹാഭ്യർത്ഥന നടത്തിയോ ഡേ​റ്റിംഗിലൂടെയോ സൗഹൃദം സൃഷ്ടിച്ച ശേഷമായിരുന്നു ഇയാളുടെ കുറ്റകൃത്യങ്ങൾ. കഴിഞ്ഞ മാസമാണ് സുപ്രീംകോടതി ഇയാളുടെ വധശിക്ഷ ശരിവച്ചത്.