കല്ലാർപുഴയ്ക്ക് സംരക്ഷണമൊരുക്കി എൻ.എസ്.എസ് വോളന്റിയർമാർ

കല്ലാർ: പരിസ്ഥിതി ദിനത്തോടനുബന്ധിച്ച് കല്ലാർ പുഴയുടെ തീരങ്ങൾ സംരക്ഷിക്കാൻ 'മുളങ്കാവൽ" പദ്ധതിയൊരുക്കി കല്ലാർ സ്കൂളിലെ എൻ.എസ്.എസ് വിദ്യാർത്ഥികൾ. 2018ലെ പ്രളയശേഷം തകർന്ന പുഴയോരങ്ങൾ സംരക്ഷിക്കുന്നതിനായി തീരത്ത് മുളകൾ നട്ടുപിടിപ്പിക്കുന്ന പ്രവർത്തനമാണ് നടത്തിയത്. ജില്ലാപഞ്ചായത്ത് അംഗം മിനി പ്രിൻസ് ഉദ്ഘാടനം ചെയ്തു. പ്രിൻസിപ്പൽ സീമ മാത്യു, എൻ.എസ്.എസ് ജില്ലാ കോർഡിനേറ്റർ സുമമോൾ ചാക്കോ, പ്രോഗ്രാം ഓഫീസർ എസ്. ജ്യോതിസ് എന്നിവർ നേതൃത്വം നൽകി.