വാഹന വിപണിയില്‍ സംഭവിക്കുന്നത് നിര്‍ണായക മാറ്റം; അമ്പരന്ന് വന്‍കിട കമ്പനികള്‍

പുതിയ കമ്പനികള്‍ കളം പിടിക്കുന്നു

കൊച്ചി: ഇന്ത്യന്‍ വാഹന വിപണിയില്‍ വിപുല മാറ്റങ്ങള്‍ സൃഷ്ടിച്ച് വൈദ്യുതി വാഹനങ്ങള്‍ പുതിയ തരംഗം സൃഷ്ടിക്കുന്നു. പരമ്പരാഗത വാഹന നിര്‍മാതാക്കളായ മാരുതി സുസുക്കി, ഹ്യുണ്ടായ് മോട്ടോര്‍, ടാറ്റ മോട്ടോഴ്സ്, മഹീന്ദ്ര ആന്‍ഡ് മഹീന്ദ്ര എന്നവിയുടെ ആധിപത്യം നിലനില്‍ക്കുമ്പോഴും പുതിയ കമ്പനികളും സ്റ്റാര്‍ട്ടപ്പുകളും വിപണിയില്‍ പതിയെ പിടിമുറുക്കുകതാണ്.

വിയറ്റ്‌നാം ആസ്ഥാനമായുള്ള ഇലക്ട്രിക് വാഹന നിര്‍മാതാക്കളായ വിന്‍ഫാസ്റ്റാണ് അതിവേഗത്തില്‍ ഇന്ത്യയില്‍ സാന്നിദ്ധ്യം ശക്തമാക്കുന്നത്. ഇതോടൊപ്പം ഇ-റിക്ഷ, ഇലക്ട്രിക് ത്രീവീലര്‍, ചെറുകിട കൊമേഴ്‌സ്യല്‍ വാഹന മേഖലകളില്‍ നിരവധി സ്റ്റാര്‍ട്ടപ്പുകളും വിപണി വിഹിതം ഗണ്യമായി ഉയര്‍ത്തുന്നു.

വൈദ്യുത വാഹനങ്ങള്‍ക്ക് പ്രിയമേറുന്നു

ഇന്ധനവില വര്‍ധനയും മലിനീകരണം കുറയ്ക്കാനുള്ള ശ്രമങ്ങളും സര്‍ക്കാരിന്റെ പ്രോത്സാഹന പദ്ധതികളും ഇലക്ട്രിക് വാഹനങ്ങള്‍ക്ക് അനുകൂല സാഹചര്യം സൃഷ്ടിച്ചു. ഇതോടെ പുതിയ കമ്പനികള്‍ക്ക് വലിയ അവസരമാണ് ലഭിച്ചത്.

മികച്ച താരങ്ങള്‍

ഇലക്ട്രിക് ഇരുചക്ര വാഹനങ്ങള്‍
ഇലക്ട്രിക് ത്രീവീലറുകള്‍
ഇ-റിക്ഷകള്‍
ലാസ്റ്റ്-മൈല്‍ ഡെലിവറി വാഹനങ്ങള്‍

പരമ്പരാഗത കമ്പനികള്‍ക്ക് വെല്ലുവിളി

വില, സാങ്കേതികവിദ്യ, ബാറ്ററി കാര്യക്ഷമത, ഡിജിറ്റല്‍ വില്‍പ്പന മോഡല്‍ എന്നിവയില്‍ പുതിയ കമ്പനികള്‍ പുതുമകള്‍ അവതരിപ്പിക്കുന്നതിനാല്‍ പഴയ വാഹന നിര്‍മാതാക്കളും മത്സരശേഷി ഉയര്‍ത്താന്‍ നിര്‍ബന്ധിതരാകുന്നു.

വിപണിയുടെ പുതിയ രൂപം

നേരത്തെ വലിയ കമ്പനികള്‍ നിയന്ത്രിച്ചിരുന്ന ഇന്ത്യന്‍ വാഹന വിപണി ഇപ്പോള്‍ നിരവധി ആഭ്യന്തര-വിദേശ കമ്പനികളുടെ മത്സരവേദിയാണ്. ഇലക്ട്രിക് വാഹന വിപണി വളരുന്നതിനനുസരിച്ച് ഈ മത്സരം കൂടുതല്‍ ശക്തമാകുമെന്ന് വ്യവസായ വിദഗ്ധര്‍ പറയുന്നു