പച്ചക്കറിത്തൈകൾ കൈമാറി

മാവൂർ: മാവൂർ ബഡ്സ് സ്കൂൾ വിദ്യാർത്ഥികൾക്ക് പച്ചക്കറി തൈകൾ,ചെടിച്ചട്ടി,കൃഷി ഉപകരണങ്ങൾ എന്നിവ കൈമാറി.

കുടുംബശ്രീ സിഡിഎസിൽ നിന്നും അഗ്രി തെറാപ്പിയുടെ ഭാഗമായാണ് വിതരണം. കൃഷിയോട് താത്പ്പര്യം ഉണ്ടാക്കാനും

കുട്ടികളുടെ ശാരീരിക മാനസിക വികസനവും ലക്ഷ്യം വച്ചാണ് പദ്ധതി. സി.ഡി.എസ് ചെയർപേഴ്സൺ പ്രസന്നകുമാരിയുടെ നേതൃത്വത്തിൽ നടന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് മുനീറത്ത് ടീച്ചർ ഉദ്ഘാടനം ചെയ്തു. പഞ്ചായത്ത്

വൈസ് പ്രസിഡന്റ് കൃഷ്ണൻ , സ്കൂൾ പി.ടി.എ പ്രസിഡന്റ് അനിരുദ്ധൻ, സിജിത അഖില, സജി, സരസ്വതി ടീച്ചർ, അദ്ധ്യാപകർ, രക്ഷിതാക്കൾ എന്നിവർ പങ്കെടുത്തു.