വിജയ് ദേവരകൊണ്ടയുടെ വിഡി12 മാർച്ച് 28ന്

വിജയ് ദേവരകൊണ്ടയെ നായകനാക്കി ഗൗതം ടിന്നനൂരി തിരക്കഥ എഴുതി സംവിധാനം ചെയ്യുന്ന വിഡി12' എന്ന് താത്കാലികമായി പേരിട്ട ചിത്രം 2025 മാർച്ച് 28ന് തിയേറ്രറിൽ. വ്യത്യസ്തമായ രീതിയിൽ വിജയ് ദേവരകൊണ്ടയെ പ്രേക്ഷകർക്ക് മുന്നിൽ അവതരിപ്പിക്കുന്ന ചിത്രം സിത്താര എന്റർടെയ്ൻമെന്റിന്റെ ബാനറിൽ സൂര്യദേവര നാഗ വംശിയും ഫോർച്യൂൺ ഫോർ സിനിമാസിന്റെ ബാനറിൽ സായ് സൗജന്യയും ചേർന്ന് നിർമ്മിക്കുന്നു. ശ്രീകര സ്റ്റുഡിയോസ് അവതരിപ്പിക്കുന്ന ചിത്രത്തിന്റെ പേരും ഫസ്റ്റ് ലുക്കും ഈ മാസം പുറത്തുവിടും. ഛായാഗ്രഹണം: ഗിരീഷ് ഗംഗാധരൻ, ജോമോൻ ടി ജോൺ, സംഗീതം : അനിരുദ്ധ് രവിചന്ദർ ,ചിത്രസംയോജനം: നവീൻ നൂലി, പ്രൊഡക്ഷൻ ഡിസൈൻ: അവിനാഷ് കൊല്ല, പി.ആർ.ഒ: ആതിര ദിൽജിത്ത്.


.