സയ്യിദ് സൈനുൽ ആബിദീൻ ബാഫഖി അന്തരിച്ചു
കോഴിക്കോട്: മർകസുസ്സഖാഫത്തു സുന്നിയ്യ വൈസ് പ്രസിഡന്റും സുന്നി മാനേജ്‌മെന്റ് അസോസിയേഷൻ സംസ്ഥാന വൈസ് പ്രസിഡന്റുമായ സയ്യിദ് സൈനുൽ ആബിദീൻ ബാഫഖി മലേഷ്യ (82) അന്തരിച്ചു. കോഴിക്കോട്ടെ സ്വകാര്യ ആശുപത്രിയിൽ ഇന്നലെ വൈകിട്ട് ആറരയോടെയായിരുന്നു അന്ത്യം. ഇന്നു രാവിലെ ഒമ്പതുവരെ തിരൂർ നടുവിലങ്ങാടിയിലെ വസതിയിൽ പൊതുദർശനവും ജനാസ നമസ്‌കാരവും നടക്കും. ഉച്ചയ്ക്ക് രണ്ടിന് കൊയിലാണ്ടി വലിയകത്ത് മഖാമിൽ ഖബറടക്കും. മുപ്പത് വർഷത്തോളം മലേഷ്യയിൽ സേവനമനുഷ്ഠിച്ച അദ്ദേഹം തൊണ്ണൂറോളം രാജ്യങ്ങൾ സന്ദർശിച്ചിട്ടുണ്ട്. മക്കൾ: സയ്യിദ് സഹൽ ബാഫഖി,ശരീഫ സുൽഫത്ത് ബീവി. മരുമക്കൾ: സയ്യിദ് ഫൈസൽ, ശരീഫ ഹന ബീവി. മർകസ് പ്രസിഡന്റ് സയ്യിദ് അലി ബാഫഖി തങ്ങൾ പിതൃസഹോദരപുത്രനാണ്.
September 01, 2022

അടുക്കളക്കുന്ന് ഭഗവതി ക്ഷേത്രത്തിൽ തുളസിവനം

August 29, 2022

തേങ്ങ തലയിൽ വീണ് യുവതിക്ക് ദാരുണാന്ത്യം
ഒറ്റപ്പാലം: പാത്രം കഴുകുന്നതിനിടെ തലയിൽ തേങ്ങ വീണ് യുവതിക്ക് ദാരുണാന്ത്യം. ഒറ്റപ്പാലം മീറ്റ്ന കളത്തിൽ മണികണ്ഠന്റെ മകൾ രശ്മിയാണ് (30) മരിച്ചത്. ഇന്നലെ രാവിലെ 10.15നായിരുന്നു സംഭവം. വീടിന്റെ അടുക്കളയോട് ചേർന്ന് നിന്നിരുന്ന തെങ്ങിൽ നിന്നാണ് തേങ്ങ വീണത്. ഗുരുതരമായി പരിക്കേറ്റ രശ്മിയെ ഉടൻ ഒറ്റപ്പാലം താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അമ്മ: വിജയലക്ഷ്മി. മക്കൾ: അഭിനവ്, അഭിമന്യൂ.
July 27, 2022

പൊരുത്തമില്ലെന്ന പേരിൽ വിവാഹം മുടങ്ങി; വിഷം കഴിച്ച യുവതി മരിച്ചു
കാസർകോട് : ജാതകം ചേരാത്തതിന്റെ പേരിൽ വിവാഹം മുടങ്ങിയതിന് എലിവിഷം കഴിച്ച യുവതി ചികിത്സയിലിരിക്കെ മരിച്ചു. ചെമ്മനാട് കൊമ്പനടുക്കം സ്വദേശി മല്ലികയാണ് (22) മരിച്ചത്. ജൂലായ് ഒന്നിനാണ് യുവതിയെ ഗുരുതരനിലയിൽ മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചത്. ഇന്നലെ രാവിലെയായിരുന്നു മരണം. കുമ്പള സ്വദേശിയായ യുവാവുമായി പ്രണയത്തിലായിരുന്നു യുവതി. വിവാഹം സംബന്ധിച്ച് ധാരണയിലെത്തിയ ഇരുവീട്ടുകാരും സമീപിച്ച ജ്യോത്സ്യൻ ജാതകങ്ങൾ ചേരില്ലെന്ന് പ്രവചിക്കുകയായിരുന്നു. ഇതിന് പിന്നാലെയാണ് പെൺകുട്ടി വിഷം കഴിച്ചതെന്ന് പറയുന്നു. സംഭവത്തെ തുടർന്ന് മേൽപ്പറമ്പ് പൊലീസിന്റെ റിപ്പോർട്ട് പരിഗണിച്ച കാസർകോട് ജുഡിഷ്യൽ ഫസ്റ്റ് ക്ലാസ് മജിസ്ട്രേട്ട് ആശുപത്രിയിലെത്തി മരണമൊഴി രേഖപ്പെടുത്തിയിരുന്നു. മൃതദേഹം പോസ്റ്റ്മോർട്ടത്തിനുശേഷം ബദിയടുക്കയിലെ ബന്ധുവീട്ടിൽ സംസ്കരിച്ചു. മേൽപ്പറമ്പ് പൊലീസ് അസ്വാഭാവിക മരണത്തിന് കേസെടുത്ത് അന്വേഷണം തുടങ്ങി.
July 13, 2022

കാനഡയിൽ ബോട്ടപകടം: രണ്ടു മലയാളികൾ മരിച്ചു
■ഒരു മലയാളിയെ കാണാതായി കാലടി: കാനഡയിൽ ഉല്ലാസ യാത്രയ്ക്കിടെ ബോട്ടപകടത്തിൽ രണ്ടു മലയാളികൾ മുങ്ങി മരിച്ചു. ഒരാളെ കാണാതായി. ഒരാൾ രക്ഷപ്പെട്ടു. മലയാറ്റൂർ നീലീശ്വരം കോനുക്കുടി വീട്ടിൽ പൈലി - ജാൻസി ദമ്പതികളുടെ മകൻ ജിയോ പൈലി (32), കളമശേരി സ്വദേശി കെവിൻ ഷാജി (21) എന്നിവരാണ് മരിച്ചത്. അതിരപ്പിള്ളി സ്വദേശി ലിയോ മാവേലിയെ (41) കാണാതായി. തൃശൂർ സ്വദേശി ജിജോ ജോഷി രക്ഷപ്പെട്ടു. കാനഡയിലെ ആൽബർട്ടയിൽ ബാൻഫ് നാഷണൽ പാർക്കിലെ കാൻമോ സ്‌പ്രേ തടാകത്തിൽ ഇന്ത്യൻ സമയം ഞായറാഴ്ച രാത്രി 10.30 നായിരുന്നു അപകടം. ജിയോയുടെ ബോട്ടിൽ ഉല്ലാസയാത്രയ്ക്കും മീൻ പിടിക്കാനും പോയപ്പോഴാണ് അപകടം. നീന്തലറിയാത്ത ജിജോ വെള്ളത്തിൽ വീണപ്പോൾ മറ്റുള്ളവർ രക്ഷിക്കാൻ ശ്രമിക്കുകയായിരുന്നു. രണ്ടു പേരുടെ മൃതദേഹങ്ങൾ ഇന്നലെ കണ്ടെടുത്തു. ലിയോ മാവേലിക്കായി തെരച്ചിൽ തുടരുന്നതായാണ് നാട്ടിൽ ലഭിച്ച വിവരം. ജിയോ പൈലി പത്ത് വർഷമായി കാനഡയിലാണ് താമസം. വാഹന വർക്ക്‌ഷോപ്പ് നടത്തുകയാണ്. മൂന്നു വർഷം മുമ്പ് നാട്ടിൽ വന്ന് തിരികെ പോയതാണ്. ഭാര്യ: ശ്രുതി. മകൻ: ഒലിവർ.കെവിൻ ഷാജിയും കുടുംബവും ഇരുപതു വർഷമായി കാനഡയിൽ സ്ഥിര താമസമാണ്.
July 13, 2022

സെപ്റ്റിക് ടാങ്കിൽ വീണ പണമെടുക്കാനിറങ്ങിയ അന്യസംസ്ഥാന തൊഴിലാളികൾ ശ്വാസം മുട്ടി മരിച്ചു
തൃശൂർ : ക്ലോസറ്റിലൂടെ സെപ്റ്റിക് ടാങ്കിലേക്ക് വീണ പണമെടുക്കാനിറങ്ങിയ ഇതര സംസ്ഥാന തൊഴിലാളികളായ സഹോദരങ്ങൾ ശ്വാസംമുട്ടി മരിച്ചു. വെസ്റ്റ് ബംഗാൾ ഇരോർ ബർദമാനിൽ സത്താർ സേക്കിന്റെ മക്കളായ അലമാസ് സേക്ക് (44), അഷ്‌റഫുൾ അലം (33) എന്നിവരാണ് മരിച്ചത്. ഇന്നലെ വൈകിട്ട് എട്ടോടെ തിരൂരിലായിരുന്നു സംഭവം. ജോലി കഴിഞ്ഞ് വീട്ടിൽ വന്ന് ബാത്ത് റൂമിൽ പോയ സമയത്ത് മരണപ്പെട്ടവരുടെ സഹോദരൻ മുഹമ്മദ് ഇബ്രാഹിം സേക്കിന്റെ അടിവസ്ത്രത്തിൽ സൂക്ഷിച്ച 13,000 ഓളം രൂപ അറിയാതെ ക്ലോസറ്റിൽ വീഴുകയായിരുന്നു. ഇതെടുക്കാനായി മരണപ്പെട്ട സഹോദരങ്ങൾ സെപ്റ്റിക് ടാങ്കിന്റെ സ്ലാബ് നീക്കി കോണി വെച്ച് ഇറങ്ങി. ഈ സമയം ഒരാൾ ബോധരഹിതനായി വീഴുകയായിരുന്നു. ഇതുകണ്ട മറ്റേ സഹോദരൻ കൈയിൽ കയറിപ്പിടിക്കുകയും തുടർന്ന് രണ്ടു പേരും സെപ്റ്റിക് ടാങ്കിലേക്ക് വീഴുകയുമായിരുന്നു. ആഴത്തിലുള്ള സെപ്റ്റിക് ടാങ്കായതിനാൽ ഫയർഫോഴ്‌സ് എത്തിയാണ് ഇരുവരെയും പുറത്തെടുത്തത്. തുടർന്ന് മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി. വിയ്യൂർ പൊലീസും സ്ഥലത്തെത്തിയിരുന്നു. കിഴക്കേ അങ്ങാടിയിൽ ദേശ സമുദായം കപ്പേളയ്ക്ക് സമീപം ഡെന്നി തിരൂർ എന്ന ആളുടെ ഉടമസ്ഥതയിലുള്ള സ്ഥലത്ത് താമസിക്കുന്നവരാണ്. 20 ഓളം ഇതര സംസ്ഥാന തൊഴിലാളികളാണ് ഇവിടെ താമസിക്കുന്നത്.
June 28, 2022

അഡ്വ. കെ.കെ. ധർമ്മലാൽ നിര്യാതനായി
പറവൂർ: കൊങ്ങോർപ്പിള്ളി കളപ്പുരയ്ക്കൽ വീട്ടിൽ അഡ്വ. കെ.കെ. ധർമ്മലാൽ (83) നിര്യാതനായി. എസ്.എൻ.ഡി.പി.യോഗം പ്രസിഡന്റ് ഡോ. എം.എൻ. സോമന്റെ മാതൃസഹോദരന്റെ മകനാണ്. പറവൂർ ഒഫീഷ്യൽ റിസീവർ, ഇലക്ട്രിസിറ്റി ബോർഡ് സ്റ്റാൻഡിംഗ് കൗൺസൽ, സ്റ്റേറ്റ് ട്രാൻസ്പോർട്ട് അപ്പലേറ്റ് ട്രൈബ്യൂണൽ (എറണാകുളം) ഗവ. സ്റ്റാൻഡിംഗ് കൗൺസൽ, മുൻ ആലങ്ങാട് പഞ്ചായത്ത് മെമ്പർ, കേരള കെട്ടിട നിർമ്മാണ തൊഴിലാളി കോൺഗ്രസ് സ്ഥാപക വൈസ് പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. ഭാര്യ: വാവക്കാട് വള്ളാട്ടുതറ വത്സ (റിട്ട. ഹെഡ്മിസ്ട്രസ്, മൂത്തകുന്നം എസ്.എൻ.എം.എച്ച്.എസ്). മക്കൾ: നിഷ (അദ്ധ്യാപിക, പറവൂർ പുല്ലംകുളം എസ്. എൻ.എച്ച്.എസ്.എസ്), ജയ്ഷ (കാനഡ), ജയേഷ് ലാൽ (സ്വീഡൻ ). മരുമക്കൾ: സുനിൽ (എൻജിനിയർ), മുകേഷ് (കാനഡ), രാധിക (സ്വീഡൻ). സഹോദരങ്ങൾ: പരേതനായ ഡോ. കെ.കെ. ഗോപി, അഡ്വ. കെ.കെ. ബാബു (ഹൈക്കോടതി ), മല്ലിക പണ്ടാല മലയാറ്റൂർ.
June 26, 2022

എൻ.വി.മാധവൻ മൂലച്ചേരി നായരച്ചൻ
കാഞ്ഞങ്ങാട്: വെള്ളിക്കോത്ത് നായരച്ചം വീട് തറവാട് കാരണവരും, മഡിയൻ കൂലോം ക്ഷേത്ര പാരമ്പര്യ ട്രസ്റ്റിയുമായ എൻ.വി.മാധവൻ മൂലച്ചേരി നായരച്ചൻ (93) നിര്യാതയായി. ഭാര്യ: ബി.എം.നാരായണി അമ്മ. മക്കൾ: ബി.എം.മോഹനൻ (എണ്ണപ്പാറ, റിട്ട.ഓവർസിയർ), ബി.എം.സതി (നേരംകാണാത്തടുക്കം), രാധാകൃഷ്ണൻ (തായന്നൂർ), ബി.എം.പ്രതി (വെള്ളിക്കോത്ത്), ബി.എം.ബാബുരാജ് (ഫോട്ടോഗ്രാഫർ, തായന്നൂർ). മരുമക്കൾ: ബിന്ദുലേഖ, സജിത, മനോഹരൻ (എൻവീസ് സ്റ്റുഡിയോ കാഞ്ഞങ്ങാട്), ചിത്ര (അരയി). സഹോദരങ്ങൾ: പരേതരായ ലക്ഷ്മി അമ്മ, സരോജിനി അമ്മ.
April 24, 2022

നളിനി ഈപ്പൻ
പടന്നക്കാട്: നേതാജി നഗറിലെ റിട്ട. തഹസിൽദാർ നളിനി ഈപ്പൻ (69 ) നിര്യാതയായി. ഭർത്താവ്: അഡ്വ. സി. ഈപ്പൻ പറമ്പിൽ. മക്കൾ: സിതാര ജോൺസൺ, സിഗ്ന ജേക്കബ്, സിൻസി ജിൻസ്. മരുമക്കൾ: ജോൺസൺ മാമ്മൻ, ജേക്കബ് തോമസ്, ജിൻസ് മാത്യു. സഹോദരങ്ങൾ: സദാനന്ദൻ (മാഹി), ശശിധരൻ (തിരുവനന്തപുരം), ഭാരതി (കൊയിലാണ്ടി ), സുനന്ദ (മാഹി), ഗൗരി (പടന്നക്കാട്), പരേതരായ ബാലകൃഷ്ണൻ, പദ്മനാഭൻ, ഭാസ്‌ക്കരൻ, ശാരദ.
March 21, 2022

ആന്റണി
ചരമം ആൻറണി പെരിയ: കാഞ്ഞിരടുക്കത്തെ ആദ്യകാല കുടിയേറ്റ കർഷകൻ തടിയംവളപ്പ് കുസുമാലയം ആന്റണി (അന്തോണിച്ചേട്ടൻ-99) നിര്യാതനായി. ഭാര്യ: പരേതയായ കത്രീന കോട്ടായിൽ കുടുംബാംഗം. മക്കൾ:ജോണി, തെയ്യാമ്മ (കാലിച്ചാനടുക്കം), ജോയി, സാബു. മരുമക്കൾ: ലിസി ,ബേബി പാലത്തിങ്കൽ, റോസമ്മ, മോളി.
February 23, 2022

കെ.എം. പ്രഭാകരൻ
ന്യൂമാഹി: കോൺഗ്രസ് നേതാവും മുൻ ന്യൂമാഹി പഞ്ചായത്ത് അംഗവുമായ കണ്ണാട്ടിൽ മീത്തൽ വീട്ടിൽ കെ.എം. പ്രഭാകരൻ (63) നിര്യാതനായി. ദീർഘകാലം മാഹിപ്പാലത്തിന് സമീപം തയ്യൽക്കട നടത്തിയിരുന്നു. മാഹി ഖാദി ആൻഡ് വില്ലേജ് ഇൻ‌ഡസ്ട്രീസ് ടെയിലറിംഗ് യൂണിറ്റിലെ പരിശീലകനായിരുന്നു. കോൺഗ്രസ് കോടിയേരി ബ്ലോക്ക് സെക്രട്ടറി, മയ്യഴിപ്പുഴ സംരക്ഷണ സമിതി ന്യൂമാഹി യൂണിറ്റ് വൈസ് ചെയർമാൻ, മാഹി തിലക് മെമ്മോറിയൽ ആർട്സ് ആൻഡ് സ്പോർട്സ് ക്ലബ്ബ് വൈസ് പ്രസിഡന്റ്, വൈസ് മെൻസ് ക്ലബ്ബ് പ്രസിഡന്റ്, നേതാജി ചാരിറ്റബിൾ ട്രസ്റ്റ് പ്രസിഡന്റ് എന്നീ നിലകളിൽ പ്രവർത്തിച്ചു വരികയായിരുന്നു. ഭാര്യ: റോജ പ്രഭാകർ അണ്ടല്ലൂർ (ഗവ. പോളി ടെക്നിക്, മാഹി). മക്കൾ: പ്രണവ് പ്രഭാകർ (എക്സൽ കോളേജ്, തലശ്ശേരി), പ്രത്യുഷ് പ്രഭാകരൻ. സഹോദരങ്ങൾ: ജയവല്ലി, ഉമാദേവി, പരേതനായ പ്രകാശൻ.
January 03, 2022