ആട് വസന്തയ്ക്കെതിരെ പ്രതിരോധ കുത്തിവയ്പ്

മാന്നാർ : ഗ്രാമ പഞ്ചായത്തിന്റെയും മൃഗാശുപത്രിയുടെയും നേതൃത്വത്തിൽ ആട് പ്രതിരോധ കുത്തിവയ്പ്പ് (പി.പി.ആർ വാക്സിനേഷൻ) ആരംഭിച്ചു. മാന്നാർ ഗ്രാമപഞ്ചായത്ത് എട്ടാം വാർഡ് ആർ.കെ.നിവാസിൽ രാജീവിന്റെ ഉടമസ്ഥതയിലുള്ള ഫാമിൽ ഗ്രാമപഞ്ചായത്ത് പ്രസിഡന്റ് ടി.വി.രത്നകുമാരി പദ്ധതിയുടെ ഉദ്‌ഘാടനം നിർവഹിച്ചു. 4 മാസത്തിനു മുകളിലുള്ള ആടുകൾക്കാണ് വാക്സിനേഷൻ നൽകുന്നത്. മാന്നാർ ഗ്രാമപഞ്ചായത്ത് സ്ഥിരംസമിതി അദ്ധ്യക്ഷരായ ശാലിനി രഘുനാഥ്, വി.ആർ ശിവപ്രസാദ്, വത്സല ബാലകൃഷണൻ, വെറ്റിനറി ഡോക്ടർ അമ്പിളി, അസിസ്റ്റന്റ് ശ്രീകുമാരി, മൃഗാശുപത്രി ജീവനക്കാരായ സൂരജ്, മിനി ബി.നായർ എന്നിവർ പങ്കെടുത്തു.