പെർത്തിൽ ഇന്ത്യ പരിശീലനം തുടങ്ങി

പെർത്ത് : ഓസ്ട്രേലിയയിൽ അഞ്ച് ടെസ്റ്റുകളുടെ ബോർഡർ - ഗാവസ്കർ ട്രോഫിക്കായി എത്തിയ ഇന്ത്യൻ ക്രിക്കറ്റ് ടീം പരിശീലനം ആരംഭിച്ചു. പെർത്തിൽ ഈ മാസം 22നാണ് ആദ്യ മത്സരം. പല സംഘങ്ങളായി ഓസ്ട്രേലിയയിലെത്തിയ ഇന്ത്യൻ ടീമംഗങ്ങൾ ഇന്നലെ പെർത്തിലെ വെസ്റ്റേൺ ഓസ്ട്രേലിയ ക്രിക്കറ്റ് അസോസിയേഷൻ ഗ്രൗണ്ടിലാണ് പരിശീലനം തുടങ്ങിയത്. പരിശീലനം കാണാൻ പൊതുജനങ്ങൾക്ക് അനുമതിയുണ്ടായിരുന്നില്ല. അതേസമയം ഓസ്ട്രേലിയയിലെ ദിനപത്രങ്ങൾ ഇന്ത്യയുടെ പര്യടനത്തെക്കുറിച്ച് പ്രത്യേക പതിപ്പുകൾ ഇറക്കി ആഘോഷം തുടങ്ങി.