17കാരന്റെ അക്കൗണ്ടിൽ മാസം തോറും 16 ലക്ഷമെത്തും, ജോലി വെറും മൂന്ന് മണിക്കൂർ മാത്രം

ഡിജി​റ്റൽ യുഗത്തിൽ പണം സമ്പാദിക്കാൻ വിവിധ തരത്തിലുളള മാർഗങ്ങളുണ്ട്. ഇന്നത്തെ തലമുറ ഏ​റ്റവും കൂടുതൽ പണം സമ്പാദിക്കുന്നത് ഡിജി​റ്റൽ മാർക്ക​റ്റിംഗിലൂടെയും കണ്ടന്റ് പ്രൊഡക്ഷനിലൂടെയുമാണ്. പഠനത്തോടൊപ്പം തന്നെ മിക്കവരും ഇത്തരം കാര്യങ്ങൾ ചെയ്ത് പണം നേടാറുണ്ട്. അങ്ങനെ പണം സമ്പാദിക്കുന്ന 17കാരനാണ് ഇപ്പോൾ സോഷ്യൽമീഡിയയിൽ ചർച്ചയായിരിക്കുന്നത്. ബ്രിട്ടീഷുകാരനായ കെയ്‌ലൻ മക്‌ഡൊളാൾഡാണ് താരം.

ഓൺലൈനിലൂടെ സ്​റ്റിക്കറുകൾ വി​റ്റ് 19,000 ഡോളറാണ് (ഏകദേശം 16 ലക്ഷം)മാസം തോറും കെയ്‌ൻ നേടുന്നത്. ഒരു ക്രിസ്മസിന് അമ്മ സമ്മാനമായി നൽകിയ ക്രാഫ്​റ്റ് കി​റ്റുപയോഗിച്ചാണ് കെ‌യ്‌ലൻ സ്​റ്റിക്കർ വ്യവസായം ആരംഭിച്ചതെന്ന് ഒരു മാദ്ധ്യമം റിപ്പോർട്ട് ചെയ്തു. കെയ്‌ലന്റെ അമ്മയായ കാരെൻ ന്യൂഷാം രണ്ട് വർഷം മുൻപാണ് 190.37 ഡോളർ (ഏകദേശം 16,000 രൂപ) വിലമതിക്കുന്ന ക്രിക്കട്ട് ജോയ്, ഡിജി​റ്റൽ ഡ്രോയിംഗ്, പ്രിന്റിംഗ് മെഷീൻ എന്നിവ സമ്മാനമായി നൽകിയത്. ഇതോടെയാണ് കെയ്‌ൻ വിവിധ തരത്തിലുളള സ്​റ്റിക്കറുകൾ നിർമിച്ച് തുടങ്ങിയത്.

അങ്ങനെ തയ്യാറാക്കിയവ ഫേസ്ബുക്കിൽ പോസ്​റ്റ് ചെയ്യാനും തുടങ്ങി. ഇതോടെ സ്​റ്റിക്കറുകൾക്ക് ആവശ്യക്കാരേറെയായി. അങ്ങനെ പണം സമ്പാദിക്കാൻ ആരംഭിച്ചു. 2024ന്റെ തുടക്കത്തിൽ ഏകദേശം 200 ഓളം ഓർഡറുകളാണ് കുട്ടിയെ തേടിയെത്തിയത്. സ്കൂളിലെ ക്ലാസുകൾ കഴിഞ്ഞ് എല്ലാ ദിവസവും മൂന്ന് മണിക്കൂർ കെയ്‌ലൻ സ്റ്റിക്കർ നിർമാണത്തിനായി മാ​റ്റിവച്ചു. പഠനം കഴിഞ്ഞതോടെ വലിയ പ്രിന്ററുകൾ വാങ്ങി വ്യവസായം മെച്ചപ്പെടുത്താൻ ആരംഭിച്ചു. ടിക്ക്‌ടോക്ക് ഷോപ്പിലൂടെയും മ​റ്റുളള വെബ്‌സൈ​റ്റുകളിലൂടെയും സ്​റ്റിക്കറുകൾ വി​റ്റ് ആൺകുട്ടി മേയ് മാസം മാത്രം സ്വന്തമാക്കിയത് 94,410.31 ഡോളറാണ് (ഏകദേശം 79 ലക്ഷം).