സർക്കാർ സർവീസിൽ ജോലി നേടാൻ സുവർണാവസരം, അര ലക്ഷം രൂപവരെ ശമ്പളം

സർക്കാർ സർവീസിൽ തൊഴിൽ നേടാൻ അവസരം. കേരള ഫിനാൻഷ്യൽ കോർപ്പറേഷനിലെ (കെഎഫ്‌സി) വിവിധ തസ്തികകളിലാണ് ഒഴിവുകൾ റിപ്പോർട്ട് ചെയ്തിരിക്കുന്നത്. മൂന്നു വർഷത്തെ കരാർ നിയമനമാണ്. ഓൺലൈനായാണ് അപേക്ഷ നൽകേണ്ടത്.

തസ്തികകളും ഒഴിവും:

• ടെക്നിക്കൽ അഡ്വൈസർ- മൂന്ന് ഒഴിവ്. യോഗ്യത: 60 ശതമാനം മാർക്കോടെ ബി.ഇ./ ബി.ടെക്. അഞ്ച് വർഷത്തെ പ്രവൃത്തി പരിചയം. ശമ്പളം: 40,000. ഉയർന്ന പ്രായപരിധി 35.
• ലീഗൽ അഡ്വൈസർ - അഞ്ച് ഒഴിവ്. യോഗ്യത: 60 ശതമാനം മാർക്കോടെ നിയമ ബിരുദവും മൂന്നു വർ ഷത്തെ പ്രവൃത്തി പരിചയവും, ശമ്പളം: 40,000 ഉയർന്ന പ്രായം 35.
• ബിസിനസ് ഡെവലപ്മെന്റ് ഓഫീസർ- ഏഴ് ഒഴിവ്. യോഗ്യത: ബിരുദവും മാർക്കറ്റിംഗിൽ ഒരു വർഷത്തെ പ്രവൃത്തി പരിചയവും. ശമ്പളം: 25,000. ഉയർന്ന പ്രായപരിധി 35.
• അക്കൗണ്ട്സ് ഓഫീസർ- ഒരു ഒഴിവ്. യോഗ്യത; സി.എയും മൂന്ന് വർഷത്തെ പ്രവൃത്തി പരിചയ
  വും. ശമ്പളം: 50,000.ഉയർന്ന പ്രായം 35.
• അക്കൗണ്ട്സ് എക്സിക്യൂട്ടീവ്-10 ഒഴിവ്. യോഗ്യത: സി.എ. സി.എം.എ ഇന്റർമീഡയറ്റും രണ്ടു വർഷ പ്രവൃത്തി പരിചയവും. ശമ്പളം: 30,000- 40,000. ഉയർന്ന പ്രായം 35.

കൂടുതൽ വിവരങ്ങൾക്കും അപേക്ഷ നൽകാനും www.kfc.org എന്ന വെബ്സൈറ്റ് സന്ദർശിക്കണം. 10.02.2025 ആണ് അപേക്ഷ സമർപ്പിക്കുന്നതിനുള്ള അവസാന തീയതി.