റോഡുകളുടെ ഉദ്ഘാടനം ഇന്ന്

ആലപ്പുഴ: അരൂർ മണ്ഡലത്തിൽ നിർമ്മാണം പൂർത്തിയാക്കിയ തീരദേശ റോഡുകൾ ഇന്ന് മന്ത്രി സജി ചെറിയാൻ ഉദ്ഘാടനം ചെയ്യും. വൈകിട്ട് നാലുമണിക്ക് തൈക്കാട്ടുശ്ശേരി പഞ്ചായത്ത് തേവർവട്ടം - ചൂരമന റോഡ് പരിസരത്ത് സംഘടിപ്പിക്കുന്ന പരിപാടിയിൽ ദലീമ ജോജോ എം.എൽ.എ അദ്ധ്യക്ഷയാകും. കെ.സി.വേണുഗോപാൽ എം.പി, ജില്ലാ പഞ്ചായത്ത് പ്രസിഡന്റ് കെ.ജി.രാജേശ്വരി എന്നിവർ മുഖ്യാതിഥികളാകും. തൈക്കാട്ടുശ്ശേരി ബ്ലോക്ക് പഞ്ചായത്ത് പ്രസിഡന്റ് രജിത,​പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് മേരി ടെൽഷ്യ,തൈക്കാട്ടുശ്ശേരി ഗ്രാമപഞ്ചായത്ത് പ്രസിഡന്റ് ഷിബു,ഹാർബർ എൻജിനീയറിംഗ് ഡിവിഷൻ എക്‌സിക്യൂട്ടീവ് എൻജിനിയർ പി.എസ്.സ്വപ്ന തുടങ്ങിയവർ പങ്കെടുക്കും.