എന്നും മൂടിപ്പുതച്ച് കിടക്കുന്നവരുടെ ശ്രദ്ധയ്ക്ക്; തെറ്റാണ് ചെയ്യുന്നതെന്ന് വിദഗ്ധർ 

മനുഷ്യന് ഏറ്റവും അനിവാര്യമായ ഒന്നാണ് ഉറക്കം. നല്ലപോലെ ഉറങ്ങിയാലേ അടുത്ത ദിവസം ഉന്മേഷത്തോടെ ഉണരാനും ദിവസം മുഴുവൻ ഊർജ്ജസ്വലമായിരിക്കാനും കഴിയു. ഒരു അഞ്ച് മിനിട്ട് കിട്ടിയാൽ തന്നെ കിടന്ന് ഉറങ്ങുന്നവരും ഇക്കൂട്ടത്തിലുണ്ട്. എന്നാൽ മൂടിപ്പുതച്ച് ഉറങ്ങാൻ ഇഷ്ടപ്പെടുന്നവരാണോ നിങ്ങൾ? എന്നാൽ സൂക്ഷിക്കണം.

ചൂടായാലും തണുപ്പാലും തലയിലൂടെ മൂടിപ്പുതച്ച് കിടക്കുന്നവ‌ർ ഉണ്ട്. എന്നാൽ ഈ ശീലം അത്രനല്ലതല്ലെന്നാണ് വിദഗ്ധർ പറയുന്നത്. ഇത് അപകടകരമാണെന്നാണ് വിദഗ്ധരുടെ അഭിപ്രായം. ഈ ശീലം കാരണം ശരീരത്തിൽ കൂടുതൽ കാർബൺഡെെ ഓക്‌സെെഡ് എത്തുന്നുവെന്നാണ് പറയുന്നത്. തലയിലൂടെ മൂടിക്കിടക്കുമ്പോൾ നാം പുറത്തുവിടുന്ന കാർബൺഡെെ ഓക്‌സെെഡ് അതിനുള്ളിൽ തന്നെ തങ്ങിനിൽക്കും.

വീണ്ടും നാം ശ്വസിക്കുമ്പോൾ ഈ കാർബൺഡെെ ഓക്‌സെെഡ് ശരീരത്തിന് ഉള്ളിൽ കടക്കുന്നു. ഇത് തലച്ചോറിന്റെ പ്രവർത്തനത്തെ വരെ ബാധിക്കുമെന്നാണ് വിദഗ്ധർ പറയുന്നത്. ക്രമേണ ഓർമ്മക്കുറവിന് കാരണമാകും. അതിനാൽ തലയിലൂടെ പുതപ്പ് മൂടി കിടക്കുന്നത് നിർത്താൻ ശ്രമിക്കുക. കൂടാതെ കിടക്കുമ്പോൾ എപ്പോഴും കിടക്കയുടെ ഇടത് വശം ചരിഞ്ഞ് കിടക്കാനും ശ്രദ്ധിക്കണം.

ഉറങ്ങുന്നതിന് മുൻപ് അമിതമായി ആഹാരം കഴിക്കാതെ ഇരിക്കുന്നതാണ് ആരോഗ്യത്തിന് നല്ലത്. ശാരീരികവും മാനസികവുമായ ആരോഗ്യത്തിന് രാത്രി എട്ട് മുതൽ രാവിലെ നാല് വരെ ഉറങ്ങുന്നത് നല്ലതാണെന്നാണ് വിദഗ്ധർ പറയുന്നത്. ഈ ശീലം പിൻതുടരുന്നവർക്ക് രാവിലെ കൂടുതൽ ഉന്മേഷം ലഭിക്കുന്നു.