നാളെ ഈ നാളുകാർക്ക് ശുഭദിനം, ഉദ്ദേശിച്ച സംഗതികൾ അനായാസം കൈവന്നു ചേരും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91-9633721128, ഇ-മെയിൽ: samkhiyarathnam@gmail.com

2024 മാർച്ച് 23 - 1200 മീനം 9 ഞായറാഴ്ച. പുലർച്ചെ 3 മണി 23 മിനിറ്റ് 6 സെക്കന്റ് വരെ മൂലം നക്ഷത്രം ശേഷം പൂരാടം നക്ഷത്രം

അശ്വതി: സുഹൃത്തുക്കളെയോ ബന്ധുക്കളെയോ കാണാനിടയുണ്ട്. പ്രണയ ജീവിതത്തിലും കാര്യമായ മാറ്റങ്ങൾ ഉണ്ടാകാനിടയുണ്ട്. ഉല്ലാസയാത്ര, അധികാരം പ്രകടിപ്പിക്കേണ്ടി വരും.

ഭരണി: സഹപ്രവര്‍ത്തകരുടെ സഹകരണം ഉണ്ടാകില്ല. കുടുംബാന്തരീക്ഷം മോശമാകും. ഉദ്ദേശിക്കുന്ന രീതിയിൽ ഒന്നും കാര്യങ്ങൾ നടക്കാത്തതിനാൽ നിരാശ.

കാർത്തിക: പുതിയ പല പദ്ധതികള്‍ക്കും വഴിതുറക്കുന്നതായി കാണുന്നു. ശത്രുക്കളിൽ നിന്നും ജയം, ഉദ്ദേശിച്ച സംഗതികൾ അനായാസം കൈവന്നു ചേരും.

രോഹിണി: ചില കാര്യങ്ങൾ മനസിനെ അസ്വസ്ഥമാക്കാനിടയുണ്ട്. എല്ലാ കാര്യത്തിലും ശാന്തതയും സമാധാനവും പുലർത്തണം, ശത്രുക്കളിൽനിന്നും ഭയപ്പാട്.

മകയിരം: കുടുംബത്തില്‍ ഐക്യത ഉണ്ടാകും. ഇഷ്ടഭക്ഷണ ലാഭം ഉണ്ടാകും. കർമ്മ മണ്ഡലത്തിൽ ഉണ്ടായിരുന്ന വിഷമതകൾ മാറിക്കിട്ടും, സ്ഥാനമാനങ്ങൾ വഹിക്കേണ്ടിവരും.

തിരുവാതിര: ബന്ധുഗുണം ഉണ്ടാകും. അഭിമാനകരമായ സംഗതികൾ സംഭവിക്കും, സുഖത്തിനുവേണ്ടി ധനവും സമയവും ചെലവഴിക്കും.

പുണർതം: വിദേശത്ത് പോകാൻ ശ്രമിക്കുന്നവർക്ക് കാര്യങ്ങൾ അനുകൂലമാകും. സന്തോഷമുള്ള ദിവസം, ബാല്യകാലത്തിലുള്ള കൂട്ടുകാരെ കാണാൻ പറ്റിയ ദിവസം.

പൂയം: കലാരംഗത്ത് പ്രവർത്തിക്കുന്നവർക്ക് കൂടുതൽ അവസരങ്ങൾ വന്നുചേരും. വസ്തുക്കളുടെ എഴുത്തുകുത്തുകൾ നടക്കാം, വൃഥാപവാദങ്ങളിൽ നിന്നും മോചനം, ഇഷ്ട ഭക്ഷണ ലഭ്യത.

ആയില്യം: യാത്രകൾ ഗുണകരമാകും. ബന്ധുസമാഗമം ഉണ്ടാകും. പരോപകാരം ചെയ്യാൻ തയ്യാറാകും, ഒരുകാര്യത്തിനും മടി വിചാരിക്കരുത്, ശത്രുജയം.

മകം: സന്തോഷം, സമാധാനം, കാര്യവിജയം തുടങ്ങിയവയൊക്കെ ഉണ്ടാകും. മദ്ധ്യപ്രായം കഴിഞ്ഞവർക്ക് അനുകൂല സമയം, ശാന്തതയും സമാധാനവും പുലർത്തണം.

പൂരം: യാത്രാഗുണം ഉണ്ടാകും. വീട് മോടിപിടിപ്പിക്കാനുള്ള കാര്യങ്ങൾ ചെയ്യും. കച്ചവടക്കാർക്ക് ധനനേട്ടം, മുൻകാല കൂട്ടുകാരെ അപ്രതീക്ഷിതമായി കണ്ടുമുട്ടും, ബന്ധുക്കൾ സഹായിക്കും.

ഉത്രം: ബിസിനസ് രംഗം വിപുലീകരിക്കുന്നതിനുള്ള നടപടികൾ സ്വീകരിക്കും. വിവാഹം മൂലം ഉയർച്ച. കർമ്മ മണ്ഡലത്തിൽ ഉണ്ടായിരുന്ന വിഷമതകൾ മാറിക്കിട്ടും.

അത്തം: കുടുംബ കാര്യങ്ങളിൽ ശ്രദ്ധ കുറയരുത്. പുതിയ ജോലിക്കായുള്ള പരിശ്രമങ്ങൾ തുടരുക. സുഹൃത്തിന്റെ സഹായം ലഭിക്കും, ജീവിതത്തിൽ മുന്നേറണമെന്ന മോഹം ജനിക്കും.

ചിത്തിര: കുടുംബസുഖം ഉണ്ടാകും. മനഃസന്തോഷമുണ്ടാകുന്ന വാർത്തകൾ ശ്രവിക്കും. വിവാഹ കാര്യത്തിൽ തീരുമാനമാകാൻ ഇടയുണ്ട്. ദൂരയാത്രകൾ.

ചോതി: ചെലവുകള്‍ നിയന്ത്രിക്കും. സമ്മാനങ്ങൾ ലഭിക്കാനിടയുണ്ട്. ശത്രുക്കളുടെ തന്ത്രങ്ങളെ പരാജയപ്പെടുത്തും, പ്രണയത്തിൽ പുരോഗതി.

വിശാഖം: വേണ്ടപ്പെട്ടവരുമായി അഭിപ്രായ വ്യത്യാസങ്ങൾ ഉണ്ടായേക്കാം. മറ്റുള്ളവർക്ക് വേണ്ടി ഇഷ്ടമല്ലാത്ത പ്രവൃത്തികൾ ചെയ്യേണ്ടി വരും, വിദേശത്ത് നിന്നും പ്രതീക്ഷിച്ച ധനം ലഭിക്കില്ല.

അനിഴം: ആരോഗ്യപരമായി നല്ല കരുതൽ ആവശ്യം, തൊഴിൽ പരാജയം, ഊഹക്കച്ചവടത്തിൽ ഏർപ്പെടാതിരിക്കുക, നഷ്ടങ്ങൾ ഉണ്ടായേക്കാം. ദേവാലയദർശനം അത്യാവശ്യം.

തൃക്കേട്ട: ബന്ധുജന സഹായം, സുഹൃത്‌സഹായം എന്നിവ ഉണ്ടാകും. ആരോഗ്യനില തൃപ്തികരം, സ്ത്രീസംബന്ധ വിഷയങ്ങളിൽ തൃപ്തി.

മൂലം: വിദ്യാർഥികൾ പഠന കാര്യങ്ങളിൽ പുരോഗതി പ്രകടമാക്കും. ആത്മീയ ചിന്ത, മാതൃ ഗുണം, ദൈവാധീനം ഉണ്ടാകും, കുടുംബത്തിൽ മംഗളകർമ്മങ്ങൾ നടക്കും.

പൂരാടം: ആലോചിക്കാതെ തീരുമാനങ്ങൾ കൈക്കൊള്ളരുത്. കുടുംബത്തിന്റെ ചുമതലകൾ ഉത്തരവാദിത്വത്തോടെ ചെയ്തു തീർക്കും, യാത്ര ആവശ്യമായി വരും.

ഉത്രാടം: സുഹൃത്തുക്കൾ സഹായിക്കും. സന്താനങ്ങളുടെ ഉപരിപഠനത്തിനു സാഹചര്യം ഒത്തുവരും. വിവിധ വിഷയങ്ങളിൽ താല്പര്യം തോന്നും, പുതിയ ഗൃഹോപകരണങ്ങൾ വാങ്ങിക്കും.

തിരുവോണം: കുടുംബത്തിന് ഗുണകരമായ കാര്യങ്ങൾ ചെയ്യുന്നതിൽ വ്യാപൃതരാകും. സാമ്പത്തിക അവസ്ഥ മെച്ചപ്പെടും. ബുദ്ധിപരമായി കാര്യങ്ങൾ നിറവേറ്റും.

അവിട്ടം: ഗൃഹത്തിൽ സമാധാനം നിലനിൽക്കും. കുടുംബത്തിൽ മാന്യത ലഭിക്കും, ആരോഗ്യം സംരക്ഷിക്കും, വിദ്യാവിജയം, ലഹരികളിൽ നിന്നൊഴിഞ്ഞു നിൽക്കുക.

ചതയം: ദാമ്പത്യ കലഹത്തിന് സാദ്ധ്യത. കർക്കശമായ തീരുമാനങ്ങൾ പിന്നീട് ബുദ്ധിമുട്ട് ഉണ്ടാക്കും, എല്ലാവരോടും എല്ലാം തുറന്ന് സംസാരിക്കരുത്.

പൂരുരുട്ടാതി: ആഗ്രഹിക്കുന്ന ഗൃഹനിര്‍മ്മാണം ആരംഭിക്കാന്‍ സാധിക്കും, മറ്റുള്ളവരുടെ കുറ്റം കണ്ടുപിടിക്കാൻ സാധിക്കും, മത്സര പരീക്ഷകളിൽ വിജയം.

ഉത്തൃട്ടാതി: ബന്ധുമിത്രാദികളിൽ നിന്ന് നല്ല വാർത്ത കേൾക്കാനിടവരും. അന്യ സ്ത്രീകൾ വഴി ഗുണകരമായ അനുഭവങ്ങൾ, പൂർവ്വിക സ്വത്ത് ലഭിക്കും, ധനലാഭം.

രേവതി: ദാമ്പത്യ പ്രശ്‌നങ്ങള്‍ ഉണ്ടാകും. കുടുംബത്തിൽ അസ്വസ്ഥതകൾ പടരാതിരിക്കാൻ ശ്രമിക്കണം, കർമ്മ രംഗത്ത് പ്രതികൂല സാഹചര്യങ്ങളെ നേരിടേണ്ടതായി വരും.