SignIn
Kerala Kaumudi Online
Tuesday, 31 January 2023 4.43 PM IST

ആർ.ടി ഓഫീസുകളിൽ കൈക്കൂലി നൽകുന്നത് പേയ്മെന്റ് മാർഗങ്ങളിലൂടെയും

motor-vehicle-department

തിരുവനന്തപുരം: സംസ്ഥാനത്തെ മോട്ടോർ വാഹനവകുപ്പ് ഓഫീസുകളിൽ ഏജന്റുമാർ കൈക്കൂലിപണം നൽകുന്നത് നേരിട്ടും ഗൂഗിൾ പേ അടക്കമുള്ള പേയ്‌മന്റ് മാർഗങ്ങളിലൂടെയും. ഓപ്പറേഷൻ ജാസൂസ് എന്ന പേരിൽ വിജിലൻസ് നടത്തിയ പരിശോധനയിലാണ് വ്യാപകക്രമക്കേടുകൾ കണ്ടെത്തിയത്. 53 ആർ.ടി /ജെ.ആർ.ടി ഓഫീസുകളിലും പണപ്പിരിവ് നടത്തുന്ന മോട്ടോർ വാഹന ഏജന്റുമാരുടെ ഓഫീസുകളിലുമായിരുന്നു പരിശോധന.

ഓഫീസിന് പുറത്തുവച്ച് ആൾക്കാരിൽ നിന്ന് നേരിട്ട് ശേഖരിക്കുന്ന കൈക്കൂലി, ഏജന്റുമാർ വാസസ്ഥലത്തോ,ഓഫീസുകളിലോ,യാത്രാമദ്ധ്യേയോ ഉദ്യോഗസ്ഥരുടെ പക്കൽ എത്തിക്കും. ചില ഏജന്റുമാർ അവരുടെയോ ബന്ധുക്കളുടെയോ പേരിൽ ബാങ്ക് അക്കൗണ്ട് തുടങ്ങി കൈക്കൂലി പണം നിക്ഷേപിച്ച ശേഷം എ.ടി.എം കാർഡ് ഉദ്യോഗസ്ഥർക്ക് കൈമാറുന്ന രീതിയും ഉണ്ട്.

മൂവാറ്റുപുഴ ആർ.ടി ഓഫീസിലെ എ.എം.വി.ഐയുടെ പക്കൽ നിന്ന് അഞ്ച് എ.ടി.എം കാർഡുകളും കാഞ്ഞിരപ്പള്ളി ആർ.ടി ഓഫീസിലെ മോട്ടോർ വെഹിക്കിൾ ഇൻസ്‌പെക്ടറുടെ ഗൂഗിൾ പേ അക്കൗണ്ടിൽ വിവിധ ഡ്രൈവിംഗ് സ്‌കൂൾ ഏജന്റുമാരിൽ നിന്നുള്ള 15,790 രൂപയും കണ്ടെത്തി. വടകര ആർ.ടി ഓഫീസിലെ ടൈപ്പിസ്റ്റിന്റെ ബാഗിൽ നിന്ന് വിവിധ ആവശ്യങ്ങൾക്കുള്ള അപേക്ഷകളും ആർ.സി ബുക്കുകളും സ്റ്റിക്കറുകളും നെടുമങ്ങാട് ആട്ടോ കൺസൾട്ടൻസിയിൽ നിന്ന് 84 ആർ.സി ബുക്കുകളും നാല് ലൈസൻസുകളും പിടിച്ചെടുത്തു. കരുനാഗപ്പള്ളിയിലെ ഏജന്റിന്റെ ഓഫീസിൽ നിന്ന് പുതിയ ആർ.സി ബുക്കുകളും വാഹന പെർമിറ്റുകളും അനുബന്ധ രേഖകളും കഴക്കൂട്ടം എസ്.ആർ.ടി.ഒ പരിസരത്ത് ഉപേക്ഷിച്ച ബാഗിൽ നിന്നും ആർ.സി ബുക്കുകളും ലൈസൻസുകളും കണ്ടെത്തി. കൈക്കൂലി സംബന്ധിച്ച വിശദ റിപ്പോർട്ട് സർക്കാരിന് കൈമാറുമെന്ന് വിജിലൻസ് ഡയറക്ടർ മനോജ് എബ്രഹാം പറഞ്ഞു.

ആർ.ടി ഓഫീസിൽ നിന്ന് പിടിച്ചത്

 കോട്ടയം-1,20,000 രൂപ

 അടിമാലി- 97000 രൂപ

 ചങ്ങനാശ്ശേരി- 72,200 രൂപ

ഏജന്റുമാരിൽ നിന്ന് കണ്ടെത്തിയത്

 നെടുമങ്ങാട് ഓട്ടോ കൺസൾട്ടൻസി - 1,50,000 രൂപ

 കൊണ്ടോട്ടി ആർ.ടി ഓഫീസ് ഏജന്റ്-1,06,205 രൂപ

 ആലപ്പുഴ ആർ.ടി ഓഫീസ് ഏജന്റുമാർ- 72,412 രൂപ

 വെള്ളരിക്കുണ്ട് ജോയിന്റ് ആർ.ടി ഒഫീസ് ഏജന്റുമാർ-38,810 രൂപ

 കോട്ടയം ആർ.ടി ഓഫീസ് ഏജന്റുമാർ -36,050 രൂപ

 ചടയമംഗലം ആർ.ടി ഓഫീസ് ഏജന്റുമാർ 32,400രൂപ

 കൊട്ടാരക്കര ആർ.ടി ഓഫീസ് ഏജന്റ്- 34,300രൂപ

 പാലക്കാട് ആർ.ടി ഓഫീസ് ഏജന്റുമാർ- 26,900 രൂപ

 റാന്നി ആർ.ടി ഓഫീസ് ഏജന്റ് 15,500 രൂപ

 പത്തനംതിട്ട ആർ.ടി ഓഫീസ് ഏജന്റ് -14,000 രൂപ

 പുനലൂർ ജെ.ആർ.ടി ഓഫീസ് ഏജന്റ്- 8,100 രൂപ

 കരുനാഗപ്പള്ളി ആർ.ടി ഓഫീസ് ഏജന്റ്- 7,930 രൂപ

 കാക്കനാട് ആർ.ടി ഓഫീസ് ഏജന്റ് -8,000 രൂപ

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MOTOR VEHICLE DEPARTMENT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.