ഹൃദയം കീഴടക്കാനായതിൽ സന്തോഷം; മോദി

ന്യൂഡൽഹി:വടക്ക് കിഴക്കൻ സംസ്ഥാനങ്ങളിലെ ജനങ്ങളുടെ ഹൃദയം കീഴടക്കാൻ കഴിഞ്ഞതിൽ സന്തോഷമുണ്ടെന്ന് പ്രധാനമന്ത്രി നരേന്ദ്ര മോദി പറഞ്ഞു. ഡൽഹിയിലെ ബി.ജെ.പി ആസ്ഥാനത്ത് നടന്ന വിജയാഘോഷത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം. ഞങ്ങൾ എല്ലായ്പ്പോഴും രാജ്യത്തിന് ഒന്നാം സ്ഥാനം നൽകുന്നു. ഈ വടക്ക് കിഴക്കൻ സംസ്ഥാനങ്ങളിലെ ബി.ജെ.പി പ്രവർത്തകർ ഞങ്ങളെക്കാൾ കഠിനാദ്ധ്വാനം ചെയ്യുന്നു. മൂന്ന് സംസ്ഥാനങ്ങളിലെയും പ്രവർത്തകരെ ഞാൻ അഭിനന്ദിക്കുന്നു.

വടക്ക് കിഴക്കൻ സംസ്ഥാനങ്ങളിലെ ബി.ജെ.പി വിജയത്തിന് ഇനി വോട്ടിംഗ് മെഷീനെ കുറ്റപ്പെടുത്തുമോയെന്നറിയില്ല. ഈ സംസ്ഥാനങ്ങൾ ഡൽഹിയിൽ നിന്നും ഇപ്പോൾ അകലെയല്ല. പരിപാടിയിൽ പങ്കെടുത്ത പാർട്ടി പ്രവർത്തകരോട് അവരുടെ മൊബൈൽ ഫോണുകളിലെ ഫ്ലാഷ് ലൈറ്റുകൾ ഓണാക്കി മൂന്ന് സംസ്ഥാനങ്ങളിലെയും ജനങ്ങൾക്ക് നന്ദി പ്രകടിപ്പിക്കാനും അദ്ദേഹം ആഹ്വാനം ചെയ്തു.