കാലംതെറ്റാതെ പൂവിട്ട് കൊന്നകൾ,​ ഇക്കുറി കണിത്താലം നിറയും

കൊച്ചി: ഈ വിഷുവിന് കൊന്നപ്പൂക്കൾക്ക് ക്ഷാമമുണ്ടാകില്ല. ഏതാനും വർഷങ്ങളായി വിഷുവിന് മുന്നേ പൂത്ത് കൊഴിയുന്ന ശീലത്തോടു കൊന്നകൾ ഇക്കുറി വിടപറഞ്ഞു. നഗരത്തിലും നാട്ടുപ്രദേശങ്ങളിലും പൂത്തുലഞ്ഞ കൊന്നമരങ്ങളുടെ കാഴ്ചയാണ്. കണിവയ്ക്കാൻ രണ്ട് മൂന്നും കുല കൊന്നപ്പൂവിന് 50-100 വരെയാണ് പോയ വർഷങ്ങളിൽ വിഷുത്തലേന്ന് നഗരത്തിൽ ഈടാക്കിയിരുന്നത്. അതു തന്നെ ലഭിക്കാനും ബുദ്ധിമുട്ടായിരുന്നു.

ചൈനീസ് നിർമ്മിത പ്ളാസ്റ്റിക്ക് കൊന്നപ്പൂക്കുലകളും വിപണിയിൽ നിറഞ്ഞിട്ടുണ്ട്. കടകളും മറ്റും അലങ്കരിക്കാനാണ് പ്രധാനമായും പ്ളാസ്റ്റിക്ക് കൊന്നപ്പൂ ഉപയോഗിക്കുന്നത്.