യു.എസിൽ ആദ്യത്തെ ഗുരുദേവ പഞ്ചലോഹ വിഗ്രഹം പ്രതിഷ്ഠിച്ചു

വാഷിംഗ്ടൺ, ഡി.സി: ശിവഗിരി ആശ്രമം ഒഫ് നോർത്ത് അമേരിക്കയുടെ (സന)​ ധ്യാന മണ്ഡപത്തിൽ ശ്രീനാരായണ ഗുരുദേവന്റെ പഞ്ചലോഹ വിഗ്രഹ പ്രതിഷ്ഠാ കർമ്മത്തിന് ധന്യസാക്ഷാത്കാരം. ഭക്തസമൂഹത്തിന്റെയും സന്യാസ ശ്രേഷ്ഠരുടെയും പ്രാർത്ഥനകൾ വിശുദ്ധമാക്കിയ മുഹൂർത്തത്തിൽ,​ രാവിലെ 11.35ന് സ്വാമി ഗുരുപ്രസാദ് പ്രതിഷ്ഠാകർമ്മം നിർവഹിച്ചു.

ശിവഗിരി ധർമ്മസംഘം ട്രസ്റ്ര് ബോർഡ് അംഗം സ്വാമി ബോധിതീർത്ഥ,​ സ്വാമി ശങ്കരാനന്ദ എന്നിവർ വൈദിക കർമ്മങ്ങൾക്ക് നേതൃത്വം നല്കി. വിഗ്രഹ പ്രതിഷ്ഠയ്ക്കു മുന്നോടിയായി യജ്ഞശാലയിൽ പുഷ്പകലശാഭിഷേകം,​ ശാരദാപൂജ,​ ഗണപതി ഹോമം എന്നിവ നടന്നു. ഗുരുദേവ വിരചിതമായ ഹോമന്ത്രോച്ചാരണങ്ങളോടെ നൂറുകണക്കിന് ഗുരുദേവ ഭക്തർ ചേർന്ന് വിശ്വശാന്തി യജ്ഞത്തിന് പൂർണതയേകി.

ആശ്രമ സമർപ്പണ ചടങ്ങുകൾക്ക് മുംബയ് ശ്രീനാരായണ മന്ദിര സമിതി പ്രസിഡന്റ്

ഡോ. സുധാകരൻ (യു.എ.ഇ)​,​ സന പ്രസിഡന്റ് ഡോ. ശിവദാസൻ മാധവൻ ചാന്നാർ,​ വൈസ് പ്രസിഡന്റുമാരായ മനോജ് കുട്ടപ്പൻ,​ അനിൽകുമാർ,​ ജനറൽ സെക്രട്ടറി മിനി അനിരുദ്ധൻ,​ ട്രഷറർ സന്ദീപ് പണിക്കർ,​ ജോ. സെക്രട്ടറി സാജൻ നടരാജൻ,​ ആഘോഷ കമ്മിറ്റി കൺവീനർ ആശോകൻ കൃഷ്ണൻ വേങ്ങശേരി,​ ആഘോഷ കമ്മിറ്റി ചെയർപേഴ്സൺ പ്രസന്ന ബാബു,​ മുംബയ്ശ്രീനാരായണ മന്ദിര സമിതി ചെയർമാൻ ജി. മോഹൻദാസ്,​ സന ചീഫ് കോ- ഓർഡിനേറ്റർ ശ്രീനി പൊന്നച്ചൻ,​ ഡോ. ബിജു പെരിങ്ങത്തറ (യു,​കെ)​,​ ഷൈജു (ഖത്തർ)​,​ സന ട്രസ്റ്റ് ബോർഡ് അംഗങ്ങളായ കോമളൻ കുഞ്ഞുപിള്ള,​ അരുൺ,​ അനൂപ്,​ ഷാജി പാപ്പൻ,​ കവിതാ സുനിൽ,​ ശ്രീനിവാസൻ,​ ശിവാനന്ദൻ രാഘവൻ,​ സരസ്വതി ധർമ്മരാജൻ,​ ശിവരാജൻ കേശവൻ,​ ഗാർഡിയൻ കൗൺസിൽ അംഗം പി. ധർമ്മരാജൻ എന്നിവർ നേതൃത്വം നല്കി.