എം.ജി, മലയാളം താത്കാലിക വി.സി തീരുമാനം ഇന്ന്

തിരുവനന്തപുരം: എം.ജി, മലയാളം സർവകലാശാലകളിൽ താത്കാലിക വൈസ്ചാൻസലർമാരെ ഗവർണർ ഇന്ന് തീരുമാനിച്ചേക്കും. ഇന്നലെ രാത്രി വന്ദേഭാരതിൽ തൃശൂരിൽ നിന്ന് ഗവർണർ തിരുവനന്തപുരത്ത് എത്തിയിട്ടുണ്ട്. ഇന്ന് വൈകിട്ട് ഡൽഹിക്ക് പോവും മുൻപ് താത്കാലിക വി.സിമാരെ നിശ്ചയിക്കും. എം.ജിയിലേക്ക് പ്രൊഫസർമാരായ അരവിന്ദ് കുമാർ, കെ.ജയചന്ദ്രൻ, ഡോ. പി. സുദർശനകുമാർ എന്നിവരുടെയും മലയാളം വാഴ്സിറ്റിയിലേക്ക് ​ഡോ.​പി.​എ​സ്.​ ​രാ​ധാ​കൃ​ഷ്ണ​ൻ, ഡോ. കൃഷ്ണൻ നമ്പൂതിരി, ഡോ.സുഷമ എന്നിവരുടെയും പാനലാണ് സർക്കാർ നൽകിയത്. കഴിഞ്ഞ 27ന് വിരമിച്ച എം.ജി വാഴ്സിറ്റി വി.സി പ്രൊഫ. സാബുതോമസിനായിരുന്നു മലയാളം സർവകലാശാലയുടെയും ചുമതല.