സ്വാമി സച്ചിദാനന്ദ അമേരിക്കയിൽ

ശിവഗിരി: പത്തു ദിവസത്തെ പര്യടനത്തിനായി ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ അമേരിക്കയിലെത്തി. മന്ത്റ എന്ന സംഘടനയുടെ നേതൃത്വത്തിൽ നടക്കുന്ന ആത്മീയ കൺവെൻഷനിൽ ഉപനിഷത് ദർശനം, സനാതനധർമ്മം എന്നീ വിഷയങ്ങളിൽ സ്വാമി പ്രഭാഷണം നടത്തും. ശ്രീനാരായണ മിഷന്റെ ആഭിമുഖ്യത്തിൽ നടക്കുന്ന കൺവെൻഷനിൽ ഗുരുദേവകൃതികളെയും ഭാരതീയ ദർശനത്തെയും ആസ്പദമാക്കി ക്ലാസുകൾ നയിക്കും. മറ്റു പല സംഘടനകളുടെയും ക്ഷണം സ്വീകരിച്ച് വിവിധ ചടങ്ങുകളിൽ സംബന്ധിക്കും.