പരിസ്ഥിതിദിനം: സ്കൂളിൽ ഔഷധത്തോട്ടം

കൊച്ചി: പരിസ്ഥിതി ദിനത്തോടനുബന്ധിച്ച് എടവനക്കാട് എസ്.ഡി.പി.വൈ കെ.പി.എം ഹൈസ്‌കൂളിലെ നേവൽ എൻ.സി.സി കേഡറ്റുകളുടെ നേതൃത്വത്തിൽ നെടുങ്ങാട് സേക്രട്ട് ഫാമിലി എൽ.പി സ്‌കൂളിൽ ഔഷധത്തോട്ടം നിർമ്മിച്ചു. നായരമ്പലം ഗ്രാമപഞ്ചായത്തംഗം ഷിനു കോലഞ്ചേരി വൃക്ഷത്തൈ നട്ട് ഉദ്ഘാടനം ചെയ്തു. ഹെഡ്മിസ്ട്രസ് ലിസി ഷാജി, പി.ടി.എ പ്രസിഡന്റ് സരിത ബിനോയ്, അദ്ധ്യാപകരായ ഹേമ രഘു, ജെസി രാജു, കെ.പി.എം ഹൈസ്‌കൂൾ ഹെഡ്മിസ്ട്രസ് സി.രത്‌നകല, എൻ.സി.സി ഫസ്റ്റ് ഓഫീസർ സുനിൽ മാത്യു, അദ്ധ്യാപകരായ ജോജോ വിക്ടർ, അരുൺ ടി.എസ്, സിമ്മി തട്ടകത്ത്, ടി.പി. പ്രജിത എന്നിവർ സംസാരിച്ചു.