എം.പി.വീരേന്ദ്രകുമാർ സ്മൃതി സംഗമവും യുവജന സെമിനാറും

തൃശൂർ: എം.പി വീരേന്ദ്രകുമാർ നാലാം ചരമവാർഷിക ദിനാചരണത്തിന്റെ ഭാഗമായി രാഷ്ട്രീയ യുവ ജനതാദൾ (ആർ.വൈ.ജെ.ഡി) സംസ്ഥാന കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന എം.പി വീരേന്ദ്രകുമാർ സ്മൃതി സംഗമവും യുവജന സെമിനാറും ഇന്ന് വൈകിട്ട് 3ന് തൃശൂർ വൈ.എം.സി.എ ഹാളിൽ നടക്കും. സ്മൃതി സംഗമം ആർ.ജെ.ഡി സംസ്ഥാന പ്രസിഡന്റ് എം.വി.ശ്രേയാംസ് കുമാർ ഉദ്ഘാടനം ചെയ്യും. ജനാധിപത്യത്തെ വീണ്ടെടുക്കുക എന്ന വിഷയത്തെ ആസ്പദമാക്കി സംഘടിപ്പിക്കുന്ന യുവജന സെമിനാറിൽ ഡി.വൈ.എഫ്.ഐ സംസ്ഥാന പ്രസിഡന്റ് വി.വസീഫ് , യൂത്ത് കോൺഗ്രസ് സംസ്ഥാന വൈസ് പ്രസിഡന്റ് അബിൻ വർക്കി തുടങ്ങിയവർ പങ്കെടുക്കും.