പരിസ്ഥിതി ദിനാചരണം

ചിറ്റൂർ: ഗവ. കോളേജ് ചിറ്റൂരിലെ എൻ.എസ്.എസ് യൂണിറ്റുകളും ഭൂമിത്ര സേന ക്ലബ്ബും സംയോജിച്ചു പരിസ്ഥിതി ദിനം ആചരിച്ചു. ഓരോ വിദ്യാർത്ഥികളും ഒരു ചെടി നടുകയും അതിനെ പരിപാലിക്കുമെന്ന് പ്രതിജ്ഞ ചെയ്യുകയും ചെയ്തു. ഓണത്തിന് ഒരു ടൺ പച്ചക്കറി എന്ന ലക്ഷ്യത്തിലേക്കുമുള്ള പ്രയാണത്തിനും തുടക്കം കുറിച്ചു. പ്രിൻസിപ്പൽ ഡോ.ടി.റെജി, ഭൂമിത്ര സേന കോർഡിനേറ്റർ കെ.പ്രദീഷ്, എൻ.എസ്.എസ് പ്രോഗ്രാം ഓഫീസർമാരായ ഡോ.കെ.എം.നിഷാദ്, ഡോ.റുബീന, മുൻ പ്രോഗ്രാം ഓഫീസർ ഡോ.സുദീപ് എന്നിവർ പ്രവർത്തനങ്ങൾക്ക് നേതൃത്വം നൽകി.