കിച്ചൺ കം സ്റ്റോർ ഉദ്ഘാടനം ചെയ്തു

വടകര: ചോമ്പാൽ നോർത്ത് എൽ.പി സ്കൂളിൽ നിർമ്മിച്ച കിച്ചൺ കം സ്റ്റോർ കെ.കെ.രമ എം.എൽ.എ ഉദ്ഘാടനം ചെയ്തു. മുൻ പ്രധാനാദ്ധ്യാപിക സീത ടീച്ചറുടെ സ്മരണയ്ക്ക് കുടുംബം നൽകിയ മൈക്ക് സെറ്റ് എം.എൽ.എ ഏറ്റുവാങ്ങി. എൽ.എസ്.എസ് വിജയികളായ വിദ്യാർത്ഥികളെ എ.ഇ.ഒ സപ്ന ജൂലിയറ്റ് അനുമോദിച്ചു. അങ്കണവാടി കുട്ടികൾക്ക് വർണ്ണ കുടകൾ വിതരണം ചെയ്തു. വാർഡ് മെമ്പർ പ്രമോദ് മാട്ടാണ്ടി അദ്ധ്യക്ഷത വഹിച്ചു. പ്രധാനാദ്ധ്യാപിക സരള , വാർഡ് മെമ്പർ കവിത അനിൽകുമാർ, ഒ.ബാലൻ, കെ.പി ഗോവിന്ദൻ, പി.ബാബുരാജ്, യു.എ.റഹീം, കെ.പിരാഘവൻ, പ്രകാശൻ, പ്രദീപ് ചോമ്പാല, മേനേജർ റീന, സെക്കീന എന്നിവർ പ്രസംഗിച്ചു.