ഉസ്താദ് ഗുലാം നിയാസ് ഖാന്റെ കച്ചേരി ശനിയാഴ്ച്ച ഗുരുവായൂരിൽ

ഗുരുവായൂർ: ചാവക്കാട് ഖരാനയുടെ ആഭിമുഖ്യത്തിൽ ഹിന്ദുസ്താനി ഗായകൻ ഉസ്താദ് ഗുലാം നിയാസ് ഖാന്റെ കച്ചേരി ശനിയാഴ്ച്ച ഗുരുവായൂരിൽ നടക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. വൈകിട്ട് ആറിന് നഗരസഭ ഇന്ദിരാഗാന്ധി ടൗൺ ഹാളിലാണ് സംഗീതക്കച്ചേരി അരങ്ങേറുന്നത്. ഡോ.രവീന്ദ്ര ഗുരുരാജ് കടോടി ഹാർമ്മോണിയത്തിലും സുമിത് നായ്ക് തബലയിലും പക്കമേളമൊരുക്കും. വാർത്താസമ്മേളനത്തിൽ ഗുരുവായൂർ നഗരസഭ ചെയർമാൻ എം.കൃഷ്ണദാസ്, ഖരാന ഭാരവാഹികളായ കെ.മോഹൻദാസ്, ടി.സി.കോയ, വേണു എടക്കഴിയൂർ, പി.കെ.അൻവർ, ചന്ദ്രൻ പാവറട്ടി, വി.അജിത്ത് രാജ്, എച്ച്.അക്ബർ എന്നിവർ പങ്കെടുത്തു.