ഫാദില കോഴ്‌സ് പഠനാരംഭം

ചിത്താരി: സൗത്ത് ചിത്താരി അലിഫ് ഷീ ക്യാമ്പസിൽ ഫാദില കോഴ്സ് എൻ.പി.ഫസൽ കോയമ്മ തങ്ങൾ കുന്നുംകൈ ഉദ്ഘാടനം ചെയ്തു.കോളേജ് ചെയർമാൻ ബഷീർ മാട്ടുമ്മൽ അദ്ധ്യക്ഷത വഹിച്ചു.സൗത്ത് ചിത്താരി മഹൽ ഖത്തീബ് ഹസ്സൻ അർഷദി ഉസ്താദ് അനുഗ്രഹപ്രഭാഷണം നടത്തി.പ്ലസ് വൺ, പ്ലസ് ടു, ഫാദില, എൻട്രൻസ് ടെസ്റ്റ് റാങ്ക് ജേതാക്കളെ അനുമോദിച്ചു. ജമാഅത് വൈസ് പ്രസിഡന്റ് സി പി.സുബൈർ ഉപഹാരം കൈമാറി. അലിഫ് വൈസ് ചെയർമാൻ ഷറഫുദ്ധീൻ ബെസ്റ്റ് ഇന്ത്യ, ജമാഅത്ത് സെക്രട്ടറി നൗഷാദ് മുല്ല, വാർഡ് മെമ്പർ സി കെ. ഇർഷാദ്, സഫ്വാൻ നിസാമി അദ്ധ്യാപികമാരായ നാസിയ , ശർമിന , മുബീന വഫിയ്യ എന്നിവർ സംസാരിച്ചു. അലിഫ് ജനറൽ കൺവീനർ ജംഷീദ് കുന്നുമ്മൽ സ്വാഗതവും പ്രിൻസിപ്പാൾ ബാസിത് വാഫി നന്ദിയും പറഞ്ഞു.