കുറ്റ്യാടി ഹരിത കർമ്മ സേനയ്ക്ക് അംഗീകാരം

കുറ്റ്യാടി : ജില്ലയിലെ മികച്ച ഹരിതകർമ സേനയ്ക്കുള്ള അംഗീകാരം കുറ്റ്യാടി ഗ്രാമ പഞ്ചായത്തിന് . ജില്ലാ പഞ്ചായത്ത് പ്രസിഡന്റ് ഷീജ ശശിയിൽ നിന്ന് പ്രസിഡന്റ് ഒ .ടി .നഫീസ സർട്ടിഫിക്കറ്റ് ഏറ്റുവാങ്ങി. പഞ്ചായത്തിലെ മുഴുവൻ വീടുകൾ, കച്ചവട സ്ഥാപനങ്ങൾ,വിദ്യാഭ്യാസ സ്ഥാപനങ്ങൾ, ആശുപത്രികൾ, മറ്റു സ്ഥാപനങ്ങൾ എന്നിവിടങ്ങളിൽ നിന്ന് അജൈവ മാലിന്യം ശേഖരിക്കുകയും യൂസർ ഫീ വാർഡുകളിൽ നിന്ന് നൂറ് ശതനമാനം സമാഹരിക്കുകയും ചെയ്തതിലൂടെയാണ് ഗ്രാമപഞ്ചായത്ത് മികച്ച നേട്ടം കൈവരിച്ചത്. അസി. സെക്രട്ടറി ശശിധരൻ നെല്ലോളി , വി .ഇ .ഒ ബിനില, എച്ച് .ഐ അനുശ്രീ ബാബു, എം .എം വിനീത , കെ ഷീന എന്നിവർ പങ്കെടുത്തു.