പ്രൊഫ.എം.പി.മന്മഥൻ അനുസ്മരണം

കൊച്ചി: അക്ഷയപുസ്തകനിധിയുടെയും കൊൽക്കത്ത കൈരളി സമാജത്തിന്റെയും സംയുക്താഭിമുഖ്യത്തിൽ കൊൽക്കത്ത അഹീന്ദ്ര മഞ്ച ഓഡിറ്റോറിയത്തിൽ പ്രൊഫ.എം.പി. മന്മഥൻ അനുസ്മരണവും അക്ഷയദേശീയപുരസ്‌കാരസമർപ്പണവും നടക്കും. ജൂലായ് 6ന് വൈകിട്ട് നടക്കുന്ന സമ്മേളനം ബംഗാൾ ഗവർണർ ഡോ.സി.വി. ആനന്ദബോസ് ഉദ്ഘാടനം ചെയ്യും.

കേരള സാഹിത്യ അക്കാഡമി മുൻ സെക്രട്ടറി പായിപ്ര രാധാകൃഷ്ണൻ പ്രൊഫ. എം.പി.മന്മഥൻ അനുസ്മരണപ്രഭാഷണം നടത്തും. കൊൽക്കത്ത കൈരളി സമാജം, പി.കെ. പണിക്കർ, നന്ദിനി മേനോൻ എന്നിവർക്ക് പുരസ്‌കാരങ്ങൾ നൽകും. ടി.കെ. ഗോപാലൻ സ്വാഗതവും ഊർമ്മിള നായർ നന്ദിയും പറയും. ചലച്ചിത്ര നടൻ ജയരാജ് വാര്യർ കാരിക്കേച്ചർ ഷോ അവതരിപ്പിക്കും.