വിദ്യാർത്ഥികൾക്ക് അനുമോദനം

ബുധനൂർ: ബുധനൂർ പടിഞ്ഞാറ് ശ്രീ ദുർഗ്ഗാവിലാസം 775-ാംനമ്പർ എൻ. എസ്. എസ് കരയോഗത്തിൽ എസ്.എസ്.എൽ.സി, പ്ലസ്ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് അനുമോദനവും പഠനോപകരണ വിതരണവും നടത്തി. കരയോഗം പ്രസിഡന്റ് എം.ആർ ശ്രീകുമാർ, രാജേന്ദ്രപണിക്കർ, വനിതാസമാജം പ്രസിഡന്റ് ആനന്ദവല്ലിയമ്മ, കരയോഗം വൈസ് പ്രസിഡന്റ് ഗോപാലകൃഷ്ണകുറുപ്പ് വനിതാസമാജം സെക്രട്ടറി സേതുമോഹൻ, സെക്രട്ടറി ശരത് വള്ളിയിൽ എന്നിവർ മൊമന്റോയും കാഷ് അവാർഡും നൽകി. പഠനോപകരണ വിതരണോദ്ഘാടനം ഹരികുമാർ ഇടശ്ശേരിൽ നിർവഹിച്ചു.