കർഷക സംഗമം സമാപനം

മാന്നാർ: കേരള കോൺഗ്രസിന്റെ നേതൃത്വത്തിൽ സംസ്ഥാനവ്യാപകമായി നൂറു കേന്ദ്രങ്ങളിൽ നടത്തുന്ന കർഷക സംഗമത്തിന്റെ ചെങ്ങന്നൂർ നിയോജകമണ്ഡലതല സമാപന സമ്മേളനം മാന്നാറിൽ ഡെപ്യൂട്ടി ചെയർമാൻ അഡ്വ.തോമസ് ഉണ്ണിയാടൻ ഉദ്ഘാടനം ചെയ്തു. സംസ്ഥാന സ്റ്റിയറിംഗ് കമ്മിറ്റി അംഗം ചാക്കോ കയ്യത്രയുടെ അദ്ധ്യക്ഷതയിൽ കൂടിയ സംഗമത്തിൽ ഉന്നതാധികാര സമിതിയംഗം അപ്പു ജോൺ ജോസഫ് കർഷകരെ ആദരിച്ചു. ജില്ലാ പ്രസിഡന്റ് അഡ്വ.ജേക്കബ് എബ്രഹാം തെങ്ങിൻതൈകൾ വിതരണം ചെയ്തു. വൈസ് ചെയർമാൻ രാജൻ കണ്ണാട്ട്, ജനറൽ സെക്രട്ടറി ജൂണി കുതിരവട്ടം, ഷിബു ഉമ്മൻ, കെ.വി വർഗീസ്, സജി നെല്ലുപറമ്പിൽ, മോൻസി കപ്ളാശ്ശേരിൽ, തോമസ് ചാക്കോ എന്നിവർ പ്രസംഗിച്ചു.