ഉന്നത വിജയികളെ അനുമോദിച്ചു

പഴയങ്ങാടി:വയലപ്ര ശ്രീ അണിയക്കര പൂമാല ഭഗവതി ക്ഷേത്രം വെങ്ങര ഊർക്കഴകത്തിന്റെ പരിധിയിൽ വരുന്ന എസ്.എസ്.എൽ.സി, പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർത്ഥികളെ അനുമോദിച്ചു. ഊർക്കഴകം കാരണവർ പാറയിൽ ദാമോദരൻ അദ്ധ്യക്ഷത വഹിച്ചു. പ്രസിഡന്റ് കെ.വി.രാമകൃഷ്ണൻ, കാരണവർ ടി.കെ.ലക്ഷ്മണൻ സമുദായിമാരായ പറമ്പത്ത് ദാമോദരൻ, കൂടച്ചീരെ അരവിന്ദൻ, മോത്തങ്ങ ഗോകുലൻ, പി.സി നാരായണൻ, ഇ.വി. രാജൻ, പോള ഭാസ്കരൻ, യു.കരുണാകരൻ, കണിയാൽ മാധവി എന്നിവർ ഉപഹാരസമർപ്പണം നടത്തി.സി ഭാസ്കരൻ,​മന്നി പവിത്രൻ, ഐ വി ദിനേശൻ എന്നിവർ സംസാരിച്ചു. കാലാവധി പൂർത്തിയാക്കിയ ഊർക്കഴകം കാരണവർക്ക് വിജയൻ അന്തിത്തിരിയൻ ഉപഹാരം നൽകി.ബു അന്തിത്തിരിയൻ പൊന്നാട അണിയിച്ചു.പാലോട്ടുകാവിൽ സതീഷ്‌കുമാർ സ്വാഗതം പറഞ്ഞു.