വായനാദിനം ജില്ലാതല ഉദ്‌ഘാടനം ഇന്ന്

കൊല്ലം: പി.എൻ.പണിക്കർ ദേശീയ വായനാഘോഷത്തിന്റെ ജില്ലാതല ഉദ്‌ഘാടനം ഇന്ന് രാവിലെ 11.30ന് വടക്കേവിള ശ്രീനാരായണ പബ്ലിക് സ്‌കൂളിൽ ജില്ലാ കളക്‌ടർ എൻ.ദേവിദാസ് നിർവഹിക്കും. മുൻ പ്രധാനമന്ത്രിയുടെ പ്രിൻസിപ്പൽ സെക്രട്ടറി ടി.കെ.എ.നായർ മുഖ്യാതിഥിയാകും. പി.എൻ.പണിക്കർ ഫൗണ്ടേഷൻ വൈസ് ചെയർമാൻ എൻ.ബാലഗോപാൽ അദ്ധ്യക്ഷനാകും. ശ്രീനാരായണ എഡ്യുക്കേഷണൽ സൊസൈറ്റി സെക്രട്ടറി പ്രൊഫ. കെ.ശശികുമാർ പ്രതിജ്ഞ ചൊല്ലും. പാലത്തറ ഡിവിഷൻ കൗൺസിലർ എ.അനീഷ്‌കുമാർ, കൊല്ലം വിദ്യാഭ്യാസ ഡെപ്യൂട്ടി ഡയറക്‌ടർ കെ.ഐ.ലാൽ, ജില്ലാ ഇൻഫർമേഷൻ ഓഫീസർ ഡോ. വി.രമ, ജന്മഭൂമി ഡയറക്‌ടർ ആർ.രാധാകൃഷ്‌ണൻ, ജില്ലാ ലൈബ്രറി കൗൺസിൽ അംഗം എ.റഷീദ്, ശിശുക്ഷേമ സമിതി സെക്രട്ടറി അഡ്വ. ഡി.ഷൈൻദേവ്, ജി.ആർ.കൃഷ്‌ണകുമാർ, എസ്.കൃഷ്‌ണ എന്നിവർ സംസാരിക്കും. സ്‌കൂൾ പ്രിൻസിപ്പൽ എം.എസ്.സുഭാഷ് സ്വാഗതവും ഫൗണ്ടേഷൻ ജില്ലാ കോ ഓഡിനേറ്റർ കെ.എസ്.ജ്യോതി നന്ദിയും പറയും.