സഹൃദയയ്ക്ക് പുരസ്‌കാരം

കൊച്ചി: നാഷണൽ ഇൻസ്റ്റിറ്റ്യൂട്ട് ഒഫ് പേഴ്‌സണൽ മാനേജ്‌മെന്റ് കേരള ചാപ്റ്റർ മികച്ച സാമൂഹ്യ പ്രവർത്തന സംഘടനയ്ക്കായി ഏർപ്പെടുത്തിയ പുരസ്‌കാരം എറണാകുളം-അങ്കമാലി അതിരൂപതാ സാമൂഹ്യ പ്രവർത്തന വിഭാഗമായ സഹൃദയയ്ക്ക് ലഭിച്ചു. എൻ.ഐ.പി.എം കേരള ചാപ്റ്റർ വാർഷിക സമ്മേളനത്തിൽ കൊച്ചി ഇന്റർനാഷണൽ എയർപോർട്ട് ലിമിറ്റഡ് മാനേജിംഗ് ഡയറക്ടർ എസ്. സുഹാസ് സഹൃദയ ഡയറക്ടർ ഫാ. ജോസ് കൊളുത്തുവെള്ളിലിന് പുരസ്കാരം കൈമാറി. 50000 രൂപയും സാക്ഷ്യപത്രവും അടങ്ങുന്നതാണ് പുരസ്കാരം. എൻ.ഐ.പി.എം കേരള ചാപ്റ്റർ ചെയർമാൻ ജോൺസൺ മാത്യു, സെക്രട്ടറി ക്ഷേമ സന്ദീപ്, സഹൃദയ ചീഫ് കൺസൾട്ടന്റ് തോമസ് കടവൻ എന്നിവർ സംസാരിച്ചു.