ജോലി വാഗ്ദാനം ചെയ്ത് തട്ടിപ്പ്,​ പ്രതി പിടിയിൽ

ആലപ്പുഴ : വിദേശകപ്പലുകളിൽ ജോലി വാഗ്ദാനം ചെയ്ത് പണം തട്ടിയ ആൾ പിടിയിൽ.

നാസിക്കിൽ ഗ്ലോബൽ മൊബിലിറ്റി എന്ന സ്ഥാപനം നടത്തിവന്ന അനിൽ ഭഗവാൻ പഗാരെയാണ് രാമങ്കരി പൊലീസ് അറസ്റ്റ് ചെയ്തത്. രാമങ്കരി സ്റ്റേഷനിൽ രജിസ്റ്റർ ചെയ്ത കേസിൽ മഹാരാഷ്ട്രയിലെ നാസിക്കിൽ നിന്നാണ് പ്രതി പിടിയിലായത്. ഇയാൾ നേരത്തെ ഗോവയിൽ ജയിലിൽശിക്ഷ അനുഭവിച്ചിട്ടുണ്ട്. അമ്പലപ്പുഴ ഡിവൈ എസ്.പിയുടെ നിർദ്ദേശപ്രകാരം രാമങ്കരി ഇൻസ്‌പെക്ടർ ജെ.പ്രദീപ്, സബ് ഇൻസ്‌പെക്ടർ ഷൈലകുമാർ, എ.എസ്.ഐമാരായ പ്രേംജിത്ത്, റിജോ എന്നിവർ അടങ്ങിയ സംഘമാണ് പ്രതിയെ അറസ്റ്റ് ചെയ്തത്.